不論大、小公司也好，辦公室的茶水間總會放置水機讓同事斟水飲用。不過這位在討論區出 post 的絲打，她的辨公室就有點特別，特別之處是同事們即使見到水機已有換樽提示，但一眾同事依然「寧死不屈唔換水」，「默默等候」有心人換新水樽服務大家。該名絲打更提到，「公司個水機上個禮拜五已經有換樽提示，今日係榨到一滴都都滴唔到，我喺呢場戰役中戰敗咗」，並指「喺公司換水係一場心理戰」，因為換紙、換水都是要換，但印文件「冇得死忍唔印」，終歸都會有人加紙，短缺情況不及水來得嚴峻。
【相關報道】
【相關報道】
雖然當中有網民質疑絲打是否想得太多，甚至以己度人，但都有網民指「如果係上置式都真是幾難換，女仔唔想換甚至換唔到好正常」、「女同事見到無水唔會開聲叫男人換咩」。不過有網民認為飲完水機水後換上新水樽，「做個有手尾嘅人」實屬應份，有不換水的心態「真係好 on X」：「換吓水咪當做吓運動」、「換咪換囉，10 秒都唔使」、「唔係太忙嘅話次次見差唔多無都會換」，毋須因為更換一個水樽，都要弄得如此複雜及計較。
之不過，也有網民直言「唔會理，裝完冇水扮冇嘢等人換」、「公司果個下置式，但成班男人都冇乜邊個願意換」、「最慘係太多 X 人換水都唔 X 肯換，講就話換水好輕鬆，但到時換開有條路嘅環境下，肯定有一半人唔想再去換水」。相信絲打分享的「寧死不屈唔換水」文化，不只發生在絲打身處的辦公室，而是很多公司都會存在的「潛規則」，講真記者都試過跟這位絲打有同樣經歷。
【相關報道】
【相關報道】
Source: lihkg