不少主題樂園都會推出年票（全年入場證），即是 1 年內無限次入場。有任職樂園的網民向 Facebook 專頁「西客之道」投稿，指一名港客投訴，樂園有兩個月時間有萬聖節活動，而她則有宗教信仰，期間不會光顧，因此要求年票延期 2 個月。樂園職員拒絕後，港客指責樂園「呃人」，並聲稱會投訴。
【網絡熱話】
帖文表示一名港客本來在查詢暑假期間的活動，卻突然談及萬聖節活動，向樓主表示：「你哋呀，啲萬聖節活動我唔會參加囉，我有宗教信仰架，唔會慶祝啲咁嘅活動架，同埋啲咁嘅裝飾佈置會嚇親我小朋友囉。我買咗你哋個年票架，有成 2 個月都唔會入去玩，我覺得你地要 extend 返畀我囉。」
樓主回覆年票由買的當日計算有效期，不能延期，並指如果擔心小朋友會「嚇親」，大可以去園區沒有萬聖節佈置的地方。港客則回應：「我唔理你哋邊度冇佈置喇，總之你哋一入門口已經掛哂 banner 又盛咁，我就唔會去喇，你哋個年票用 12 個月架嘛，就要賠返嗰 2 個月畀我喇！」之後樓主再表明年票不能延期，港客便指責樂園「呃人」，又稱會向消委會投訴。
至於網民方面，幾乎全都覺得港客無理，留言包括：「佢不如＿埋話點解你哋唔開 24 小時，凌晨時分冇得嚟玩即係呃佢鐘啦」、「我係負責人就下年整得再恐怖 D」、「佛誕唔好放假，千祈唔好放假，放咗正＿家鏟」、「個西客無話『平日返工返學，嚟唔到玩，應該 extend 多兩年』，已經好好」、「又唔見啲佛教徒話有聖誕裝飾唔入得」等。
【網絡熱話】
【網絡熱話】
Source：西客之道 Hispitality Secret