結婚看似是兩個人的事情，不過愈是搞下去，就會發現其實是兩家人的事情，再加上還要花一大筆金錢，因此也有人形容結婚其實是「貼錢買難受」。有絲打就在連登討論區以「究竟我結婚定係我亞媽結婚？」為題，苦訴家人諸多意見，結婚未搞得成已經覺得好煩。
【相關新聞】
【相關新聞】
樓主在文中表示，結婚本來是兩個新人的快樂事，但自從向母親表示要結婚後，母親就不停畀意見，更謂「呢樣唔好，果樣唔好。一陣又話酒店擺酒，一陣又話唔好係星期一、三、五擺酒。」就連家長飯局也要管，表示「得 7 個人唔好」。如果唔聽母親講的話，其母親更會發脾氣話唔出現，搞到樓主留眼淚之餘，更覺乜都未搞就已經覺得好煩。
許多網民見狀，亦即以過來人身份出來畀意見，並留言謂「點解要聽佢哋講，邊個出錢邊個話事！」也有網民直指，小事可以商量有得傾，但大事去到唔鐘意嘅就要企硬。此外，也有網民指自己阿媽都叫有得傾，如果換轉是奶奶，真係有排煩。另外，也有網民教路叫樓主趁結婚時就要解決母親干涉自己的事情，皆因日後婆媳、生小朋友等問題，仲有排煩。之不過，也有網民表示就得就順下老人家意見，唔係第日有排講，分分鐘講一世咁話。
其他網民留言
「美其名緊張你，實際上控制慾作祟。」
「你阿媽仲有得傾，如果換轉你奶奶，祝你好運啦！」
「點解要聽佢地講，邊個出錢邊個話事。」
「樓主，肯咁講，趁依刻解決咗你呀媽嘅干涉傾向佢，就算要反底都要做，否則第日婆媳呀生小朋友呀之類你就知味道。」
「主角係有得話事，睇下牙力夠唔夠，係唔反面既情況下跟自己意思做。」
「香港地結婚有幾可真係『兩個人嘅事』吖，擺酒做 show 就梗嘅，差別在於你同另一半嘅心態點對待。」
「意見嘅嘢你接受到咪順佢意，接受唔到就企硬。盲目順從同完全無視父母意見都唔係幾好。」
結婚不嬲都唔係兩個人嘅事嚟，就算 4 大長老話，你地兩個鍾意開心就 ok 你都唔好信。順下佢哋意唔係婚後會講一世，有咩依郁更會不停講。」
【相關新聞】
【相關新聞】
Source：lihkg