男友沉迷賭博，點樣算？賭波輸了身家，要求代為支付結婚禮金，港女如何是好？（口痕友：預支啫，會還喔！）港女網民「炎夏」日前在香港討論區發帖，題為「男朋友賭輸波叫我幫佢出住禮金先 幫唔幫佢好? 」。港女表示有個沉迷賭博的男友，最近更迷上賭英超，結果賭輸了身家。港女與男友正在籌備婚禮，如今輸身家，甚麼 dream wedding 都沒有了；男友還要求港女代為支付結婚禮金，理由是不想讓港女失望，想婚禮「如期進行」。港女上網問巴絲意見。
【精選消息】
all in 英超輸身家
港女在帖子表示：「男朋友不嬲都有賭錢嘅習慣，最近英超佢又賭埋一份。」
小記花生咬一口，專心聆聽，沒有拍手。
港女驚爆男友 all in：「佢成日係又買唔係又買，有時真係好驚佢會賭到輸身家。結果上個禮拜果場，佢聽佢個 fd 講話 9 成中就 all in 左。點知果場對家赢左，搞到佢輸哂身家。」
【精選消息】
「dream wedding 都冇埋，但我真係好愛佢」
港女與男友正在籌備婚禮：「本身我同男朋友都搞緊婚禮，而家咁樣輸一輸，咩錢都無哂！之前諗好哂果啲 dream wedding 都無埋。真係諗起都好失望！但我真係好愛佢...」
「好似貼埋大床咁結婚」
港女再爆男友輸到無力支付禮金：「早幾日佢重同我講，問我可唔可以到時幫佢比住禮金我呀媽先。佢話唔想令我失望，想婚禮如期進行...之後佢會還返錢比我...唉...我都唔知幫唔幫佢好。雖然佢份人都好老實。但要我借錢比佢黎結婚用 好似貼埋大床咁結婚...又驚佢有一次就有第二次，下次再賭輸波都唔知點算...」
【精選消息】
網民：沉迷賭博，富可敵國
截稿前，帖子贏得 23,677 個點擊率、442 個回應、3 個正評、103 個負評。有網民認真：「你應該諗下仲應唔應該嫁」、「絕對嫁唔過啦咁容易賭身家，到其時結咗婚你打工幫佢還債啊？生左個仔女嘅時候靠你自己養。之前睇過一單新聞好似話個老公攞埋個女啲學費去賭添。如果你仍然諗住嫁俾佢真係祝你好運」、「佢已經賭輸你份禮金, 仲要幫 d 咩 ? 快走」。
不少網民踴躍回應，曲線留言，極盡抵死之能事！網民意見，節錄如下：
- 當然 Say no ! 賭仔無好下場…平和戒賭熱線 183 4633
- 如果你系 18.22, 大把佬圍, 一定吾使人教啦. 既然自己無乜議價能力, 唯有揸頸就命
- 沉迷賭博，富可敵國，他朝必有所成
- 燈尼嫁，以後買對家
- 更係幫啦，結婚喎，星期日我朋友赌完埸巴塞，我都幫佢供著樓啦!
- 可能成偪身家得十皮呢
- 嫁得過，星期日我朋友一場波蠃左層樓
- 幫啦，你唔嫁佢都冇人肯娶你啦
- 我晤賭，過户比我
- 咁都仲算男人！嫁給他將來一定家無寧日！
Source：香港討論區