香港中學文憑考試（DSE）近日開考，成功與否，除了講求努力外，集中力也是另一關鍵。日前，在連登討論區有巴打發帖訴苦，指在自己應考英文科卷三時，坐在他前面的考生在兩小時內不斷放屁，影響他作答。
【網絡熱話】
樓主表示他日前到華仁試場應考英文科卷三，最初一切如常，不料開考之後，坐在他前面的考生便開始放屁。「啲屁味伴隨綠袖子個 music 一齊飄過嚟，我即刻閉氣，不過佢始終冇停止放屁。Listening 到一半，聞到佢既屁味，個腦即刻空晒，有 2 題因為咁而聽唔到答案。」樓主最後更表示，前座考生在這兩小時不斷「運功」放屁：「佢每隔半分鐘放 1 次」，「宜家我連件衫都有佢啲屁味。」
至於其他網民看到後，都紛紛留言：「依家啲 00 後連放屁嘅臭味都頂唔住，真係唔捱得！」、「新擾敵招式」、「呢個係公開試策略之一嚟，同一開考舉手叫加紙或者成日大聲咳一樣」等。另外有網民表示：「放屁咪算囉，至少可以閉氣」，指自己上年考試時情況更糟，旁邊的大廈正在裝修，十分嘈吵，但自己仍能專心作答，「其實你只要集中到，一定唔會被呢啲外來因素影響到」，「歸根究底，集中係關鍵」。
【網絡熱話】
【網絡熱話】
Source：lihkg