不知大家有否看過《我要做 Model》這齣電影呢？當中詹瑞文「即場拆人情」一場戲，真是時至今日都備受談論。大家別以為「即場拆人情」只是電影橋段，現實生活中原來也會發生，說的是最近在討論區見到的「新娘要求即場拆人情 男賓客轟無情圍插」帖文。樓主提到自己上周參加了一場在 ClubONE 舉行的婚宴，晚餐人情打和價 HK$500，而自己則付了 HK$600 人情，不過這場婚宴特別在新娘大玩即場拆人情，更指「MC 開場前介紹時稍後時間一對新人會抽出幸福人情一位，並送番同等價值現出來抽獎，門面抽獎，實則係警世，殺不儆百」，於是使不少賓客「入多 500 蚊，驚抽中肉酸」。
【相關報道】
【相關報道】
雖然「即場拆人情」這個環節是可以令婚宴氣氛升溫，但有份留言的網民多是質疑樓主「晚餐人情打和價 500」的計法，更指「ClubONE 唔會賺到錢，除非個個都畀 1000，計哂禮金同全日費用，請一個輸一個」、「今時今日 5 嚿水重打到和？」之外，也有網民呻「請着樓主就真係慘到 X 街，咁都要開 post，仲以為畀 600 係畀多人」。
當中也有網民認為，結婚擺酒旨在開心，「點解要覺得擺酒要回到本？」、「係咪睇咗詹 sir 套戲」、「酒席都回唔到但唔會介意」。因此有感樓主認為婚宴要回本的說法是十分多餘，反之婚宴新娘要求即場拆人情的舉動，則沒有太多網民評論其對錯。
精選網民留言：
- ClubONE 唔會賺到錢，除非個個都畀 1000，計哂禮金同全日費用，請一個輸一個
- 今時今日 5 嚿水重打到和？
- 入咗場仲可以補飛？？
- 樓主話 500 回本，所以咪計吓囉，我自己就請最親果啲，畀幾多人情都無所謂，但請着樓主就真係慘到 X 街，咁都要開 post，仲以為畀 600 係畀多人
- 冇錢就咪 X 擺酒啦，又要計人入幾多人情
- 係咪睇咗詹 sir 套戲
- 酒席都回唔到但唔會介意
- 點解要覺得擺酒要回到本？
- 留名睇抽到蘋果日報
- 擺酒要回本不如唔好擺啦真係，同埋擺 ClubONE 呢啲都不如唔好擺，真係畀人記一世，係難食到畀人記一世。結婚就唔應該計賺蝕。（利申幾年前結婚擺酒店，收埋晒人情都要淨蝕 50 萬。）
【相關報道】
【相關報道】
Source: lihkg