準備結婚註冊，結婚對象在律師「盤問」下才承認曾經結婚，而且已為人母，如果你是事件中的男主角，有啲咩要注意？一名自稱 90 後的港男，早前與來自內地的 90 後大陸女友，到律師樓辦理結婚註冊手續，才確認女友曾出嫁，兼已有一個未滿 1 歲的女兒。單親家庭長大的港男，表示其母知道事件後「發左癲咁反對」，港男不知如何是好，遂到網上討論區，發帖求助。
24 歲大陸女友曾認已婚有女
是這樣的。網民 lichingyu 日前在香港討論區發帖，題為「...準備註冊結婚...先知原來一切係真」。 港男在帖子自稱是 94 年出生，有一個 95 年出生的大陸女友。港男表示，最初與大陸女友拍拖的時候，她已「一直話我地唔適合 一直講無可能一齊得耐」。
然而，港男表示太愛這個大陸女友，甚至她承認曾結婚兼有個女兒，港男全都接受。港男更指：「之後因為某原因 ， 佢又話個女唔係佢 一直單身... 咁照拍拖啦」。
港男疑似泰國飲醉求婚
港男疑似在最近的一次泰國旅行，於飲醉了的情況下，買花向女友求婚。他說：「過年去泰國，玩左 10 日，日日都落吧落club 同佢。到最後一晚，我飲醉左，買左扎花 ，身邊有 d 外國人叫我跪低 ，我跪左，然後返到酒店，佢突然好認真同我講，佢真係有個女，但唔想再提以前既野」。
女友已婚有女 港男半信半疑
港男很困惑，在泰國回程飛返香港的航班途中，嘗試向女友問個究竟，然而女友不願也沒有回應。港男又形容女友踐事件「一直佢都係好模糊，所以我一直半信半疑，而且佢前言唔係好對後語..所以我心入面 一直以為假 ...」。
律師面前 真相大白
直到 4 月 11 日，港男與大陸女友到律師樓辦理結婚註冊手續，在律師的兩次詢問下，大陸女友才承認曾經如結婚。
港男及其家人有甚麼反應？他形容阿媽瘋了：「我身邊全部人都反對 ， 而且我一開始有同我媽咪講過 ..佢真發左癲咁反對 ， 然後女朋友話唔係佢時，我再同媽咪傾計咁傾話之前講下笑..」。
霸氣盡失的港男表示：「其實我半信半疑係因為，佢玩心都幾重，鐘意飲酒..煙我幫佢戎左，酒就幫唔到佢 ..我成日諗..如果有個女，玩心會咁大咩.....」。他表示，女友的女兒未滿 1 歲，現與女友的家人在內地居住。
網民：「點解要娶佢?」
截稿前，帖子贏得 47,173 個點擊、497 個回應；網民反應熱烈，踴躍留言。
- 網民甲：24 歲大陸人結左婚唔出奇。。佢地興生完仔掉比阿婆阿公阿爺阿嫲湊。。都唔出奇嘅。
- 港男回應：...我一開始就係諗 點解親生女 可以放低 ，所以以為佢講笑..。
- 網民甲直線發問：點解會點解要娶佢?
- 港男：因為我想同佢一齊生活 ..結婚先解決到異地..本身我同我阿媽一齊住 佢黎個陣 話無空間 ， ok 咁買樓 買完 搬出去， 當然之後係諗結婚。
「我只係想平淡」
- 網民乙：結過婚。其實同拍過拖性質一樣。問題系多個細路。。五系愛到不能自拔既話。就五考慮咯。。又煙又酒。又講大話。。以後點過？除非師兄你都系哩種人。左青龍右白虎。
- 港男：...我只係想平平淡淡 ， 但阿媽 一定接受唔到。
- 網民乙：但哩類型老婆。就注定五平淡。
「全身名牌 賭得好大」
- 港男驚爆：最大問題係 佢有賭 都賭得好大.. 我分唔到佢屋企有錢定點 全身名牌 ，不過我最近都有幫佢還卡數。
- 網民乙：甘你。要求佢帶你去女家級級先。。拖拖拉拉既話。都系無錢既多。。。
- 港男：佢話唔知幾時一齊返去 但日子 真係唔知 ..律師我約左下星期 18 號註冊 ， 1 個月後要佢既證件正本 ， 所以點都會返佢到 先正式簽到紙。
其他網民意見，節錄如下：
- Buy 1 get 1 ftee（free）
- 時間可以改變一切又可以摧毀一切
- 佢賭錢又周身名牌。。你覺得自己養得掂佢? 佢有咩吸引你想同佢生活呢?
【精選消息】
【精選消息】
Source：香港討論區