不少駕駛者見到前車行車太慢，變相造成「拉龍」（即跟前車距離甚遠，如超過 10 個車位）情況時，總會刻意推車緊貼前車車尾，為其製造壓迫感，示意對方加速。不過世上不是「係車都推得」，例如警車總不會夠膽推吧，可是世人總喜歡犯上不必要的錯誤。近日 Facebook 群組「馬路的事討論區」瘋傳車 cam 片段可見，有一位白色私家車司機竟然有眼不識泰山，推車推着警方 BMW 535 旅行版的隱形戰車，更要到隱形戰車閃起紅藍雙燈示意，該白色私家車司機才「知難而退」！
【相關報道】
【相關報道】
以上白色私家車司機「推錯」警方隱形戰車的車 cam 片一出，即被不少網民強力恥笑，「叻仔喎！明張目膽！」、「推得人多終遇虎」、「X 到冇朋友」，更有網民笑言：「雖然未到年尾，但 2019 本年最 on X 片應該坐穩三甲」、「唔試過又點知呢個世界有隱形嘅阿蛇呢！」，謝謝該白色私家車司機提供笑料云云。因為有網友坦言警方隱形戰車太易認，沒可能不能發現：「535 旅行版、冇車頂旅行架、車尾冇「535i」字、銀色 / 金色，其實真係好易分」。
當中更有不少網民關注該白色私家車司機的下場，問出 post 的樓主有否被警察問話或拘捕之類，並笑該白色私家車司機「出咗隧道你自己識做就駛埋一邊」。之不過樓主只提到「出隧道之後阿 sir 趕住番警署還車放工喇！」、「各自歸家 mode」，意味該白色私家車司機沒被秋後算帳。只是這結果看似不被網民接受，有巴絲打更嘩然：「吓......唔係冇事吓嘛」、「咁都無事」。
圖解白色私家車司機「推錯」警方隱形戰車經過：
精選網民留言：
- 推得人多終遇虎
- X 到冇朋友
- 一閃即縮！笑死！
- 雖然未到年尾，但 2019 本年最 on X 片應該坐穩三甲
- 自行申請比人笑
- 535 旅行版、冇車頂旅行架、車尾冇「535i」字、銀色 / 金色，其實真係好易分
- 阿 sir 好人，收工歸家心切
- 吓......唔係冇事吓嘛
- 出隧道之後阿 sir 趕住番警署還車放工喇！
- 要威就閃燈都推啦！
【相關報道】
【相關報道】
Source: Nelson Wu S M @ 馬路的事討論區 Facebook