正所謂：「好就女人，不好就累人」，有時有女朋友，甚至周旋在前度及現任之間，也未必讓人艷羨。例如最近有巴打在討論區出 post 表示有意跟曾拍拖 10 年，分手後關係相當不錯的前度一同買樓置業，而該名巴打雖表示前度很富有、應該想幫自己上車，並指自己心中當然想跟前度一同買樓，但細想以後，就擔心現任介意，可能之後好麻煩，更問一眾網民應否跟前度買樓云云。
【相關報道】
【相關報道】
雖知道香港是全球最難買樓上車的地方，因此有網民知道樓主有前女友加持買樓，直言會接受 offer。「梗係接受啦，為你嘅將來打算，就算現任飛你，你都有層揸喺手，到時想玩都得啦」、「呢個世代，信愛不如信金錢」、「唔好畀條女知佢係 ex 咪得」、「我覺得佢都想你好，即使你最後同邊個一齊都好，佢唔會後悔幫你」，甚至有網民求問「食軟飯大法」：「食軟飯已經叻，ex 軟飯你都食到好勁，求教」！
之不過，有網民勸喻樓主應該想清楚跟前度及現任的關係，瞞着現任跟前友一同置業並不可行。「照直講，你都呃唔到現任一世」、「有個現任就唔好同個 ex 有聯絡嘅，再唔係就搵一個現任可以接受到呢樣嘢（同時即係你都要接受到對方咁做）」，甚至有網民表示會因為自尊、前途問題，斷言拒絕 offer，「我自尊心好高，畀我一定唔會」、「無人覺得係尊嚴問題咩」、「如果到第日賣樓，而家又真係同呢個女朋友結婚，點解釋好？」
精選網民留言：
- 無人覺得係尊嚴問題咩
- 食軟飯已經叻，ex 軟飯你都食到好勁，求教
- 會，呢個世代，信愛不如信金錢
- 唔好畀條女知佢係 ex 咪得
- 個個唔同，我自尊心好高，畀我一定唔會
- 人性的抉擇。其實都唔至於嘅，仲能夠同佢 keep 到 contact 又好似屋企人咁現任都無反對，其實即係現任對你同佢個接受度都高啦，咁你自己都覺得 okay 咪得囉。如果俾你現任知呢樣嘢會 X 街，其實我覺得你畀佢知你哋仲有 contact 都會
- 有時候做唔成女朋友、夫婦，唔代表一定要斷絕關係嘅。明明冇血緣關係但好似親人嘅，反而仲難得仲珍貴
- 唯有照直講，你都呃唔到現任一世，始終你同 ex 相處係唔錯 as a friend。當朋友幫你一把咁諗就得
- 咁真係睇巴打你想走咩方向啦，一係就攤晒出嚟講（但我覺得學似你話齋佢唔會繼續接受到，係睇分手定同 ex 斷聯絡㗎啫），一係就連買樓單嘢都照瞞住佢。我自己個人其實就始終覺得，有個現任就唔好同個 ex 有聯絡嘅，再唔係就搵一個現任可以接受到呢樣嘢（同時即係你都要接受到對方咁做），個心喺現任同個 ex 度兩邊走，我就自己都接受唔到
- 我覺得佢都想你好，即使你最後同邊個一齊都好，佢唔會後悔幫你
【相關報道】
【相關報道】
Source: lihkg