不少人外遊，都會在回程乘飛機時，趁候機時間再瘋狂 Shopping，但如果買太多東西，連飛機上的行李架也放不下時，又該怎麼辦呢？有網民在 Facebook 「西客之道」的群組內，分享自己早前在日本關西機場乘搭廉航回港時遇上一對「極品」香港夫妻的事情。這對香港夫婦，先是行李超重又不願加錢購買額外「行李重量」，之後又在機場瘋狂購物，以致上飛機後要將物品放到其他乘客頭頂上的行李架，惟該名丈夫放行李時不小心弄跌一支紅酒，誤傷其他乘客。此時，女事主不但毫無悔意，更寸爆受傷者「咁緊張咪唔好搭廉航囉！」
【熱門報導】
樓主指，當時該對「極品」夫妻分別有一把雨傘，一大袋在免稅店的「戰利品」及一個細行李箱，但二人明知自己行李那麼多，卻偏偏等到最後才登機，結果該程機非常爆滿，二人頭頂上的行李架只能放下細行李箱和雨傘，至於該袋「戰利品」則要放到前方乘客頭頂上的行李架。樓主指，當時該名丈夫將「戰利品」放上去時「隨手 fing 袋野上去，仲擺出一個好叻仔既表情」，可惜「戰利品」中有一支紅酒從袋中跌下，正中櫃下一名後生女的額頭，之後更「腫左一大舊」。傷者的母親當時已經非常激動，但該名丈夫已經「知衰」不斷向對方道歉，經過空中服務員一輪的調解後，傷者的母親好不容易才不追究事件。此時，該名港女老婆便「出動」，暗寸對方「有咩咁巴閉姐，宜家支酒跌落黎又冇撞到你爆缸，少少腫姐，使唔使要我老公不停咁講對唔住呀？咁緊張咪唔好搭廉航囉，如果唔係後面班人霸晒啲位，我洗 fing 上你地上面咩？」此舉令傷者的母親情緒又再次激動，並表示「落左機之後會報警，要 claim 保險同埋返香港 check 到有咩問題要求跟進。」港女老婆又再次發難指「你地都係想要錢姐，賠返比你囉，腫個少少有咩咁巴閉要報警」，最後在其尷尬不已的丈夫喝止下才收聲。
誰不知，港女老婆隔了一會，又開始在座位上數落自己丈夫，「如果唔係我外家比錢你做生意，你宜家仲係廢柴」，兩夫妻一直在座位上吵架，甚至激動到要離婚，之後兩人便沒有再說話了，但該名丈夫卻無骨氣地在落機前向港女老婆說話求和。事後樓主忍不住反問「其實真係咁有錢，點解要同我地呢啲窮人一齊搭廉航呢？」
此帖一出，不少網民均斥港女老婆幫倒忙，「個老婆真係極品，不單止唔幫手仲插左個老公一刀。之後仲有講晒啲家事出黎落個老公面」、「咁有錢比老公做生意點解唔坐 business？」、「叫佢老婆出少句聲當幫忙」、「整到人仲惡人先告狀，佢老公娶到佢真係三生有幸！」、「咁嘅女人執到都喊三聲！」更有不少網民支持被傷的母女報警，「支持渣正嚟做，要保留追討損失權利。因為枝酒咁卜落個頭度， 係飛機果一刻邊個保証無骨裂？」
【熱門報導】
【熱門報導】
Source：西客之道@Fb