在香港，每多一個人上了巴士，就有機會多一個人因事鬧得「面紅耳赤」「怒髮衝冠」。也許香港怨氣太大，在狹小的巴士車廂裡尤甚。有車 cam 片段為證，今次牽涉其中的，是一名巴士司機與自稱泰國人乘客，爭端疑與有人不滿侯車時間太久或行車速度太慢有關。
「你有咩問題呀？」
網民「翟麗娟」日前在 Facebook 群組香港交通突發報料區發帖上載片段。目測是一段從 42 號巴士車 cam 拍攝的片段。事發於 2019 年 4 月 29 日早上 8 時 34 分，當時巴士司機把剛駕駛抵達巴士總站，停車除低眼鏡準備飲水。只見一名身穿青綠色衣服的男乘客，從車廂尾處走到車頭巴士司機位置，敲打司機座位旁的透明擋風屏，曰：「你有咩問題呀？」，狀似要與巴士司機理論。
乘客表達 未夠清晰
然而略帶泰國口音的這個男乘客，縱使咬字尚算清晰，卻在表達能力方面仍有進步空間，結果男乘客與巴士司機「你有咩問題？我有咩問題？咩問題？」，一時又話「冇嘢」，你一言，我一語，巴士司機聽到「黑人問號」，一頭霧水。
巴士司機 黑人問號
懷疑男乘客不滿巴士司機行車速度太慢，阻礙了他 1 小時，遂一直站在車頭與之爭執：「一個人呀一個人」，「我話俾你聽，（停頓 10 秒），我無問題」；巴士司機沒好氣：「咩嘢一個人呀？無問題你就落車啦一個人！」，「趕時間唔好搭巴士，巴士安全行得慢」，不滿被男乘客阻礙工作，要求他到站下車。
從男乖客的身體語言與巴士司機的面部表情，以及雙方的語氣，都感到現場氣氛相當不友善。男乘客更自稱「我（係）泰國人，我唔驚你」，手部動作略帶挑釁，當中的「一個人呀一個人，兩個人」被網民解讀為想動武單挑，忽然又伸出右手說「俾我！對唔住」，疑似要與巴士司機握手言和；巴士司機沒好氣：「咩嘢一個人呀！到站你就落車啦」，卻由此始終沒有說過半個字粗言，期間更飲啖水疑似下火消消氣，專業精神，值得一讚。
片段末，巴士用手機致電站長，表示「有個人唔肯落車」。未幾聽到有一把男聲疑似站長介入事件，向兩人問個究竟：「先生先生咩事咩事」，男乘客連忙舉高手澄清：「我冇嘢，我冇打佢，你報警丫」。
即 click 下圖睇片：
網民：「笑_到哭」
該片段在網絡瘋傳，不少網民留言讚好，大叫「笑到肚痛」、「笑_到哭」（文字經過處理）、「我睇咗啲乜嘢」、「一個鐘…你…我…一個人落車…你係咪男人」、「好悶但好笑」、「香港多傻人」、「正宗九唔答八係呢啲」等。
片段亦不禁令人想起 2006 年在香港盛極一時的「巴士阿叔」事件：「揸手」、「未解決」！
網民「黃蓉」在 LIHKG 討論區以「巴士司機比人 X 1hr1Q 幾錢？」為題發帖，引爆討論，截稿前贏得 935 個正評，僅 10 個負評。有網民表示：「呀哥 我話比你聽（停 10 秒）我冇問題」、「究竟個泰仔一轉身係咪嘟左張八達通比左錢呢」、「完全唔知乜野事但好好笑同埋個巴士司機好有耐性，同佢九唔搭八都可以傾咁耐」、「一個人呀一個人呀」。
有網民嘗試突破盲腸：「應該係巴士搞到佢遲咗一個鐘 想叫個司機俾返一個鐘錢佢 一個人 = 隻揪隻？」。
【精選消息】
【精選消息】
Source：香港交通突發報料區，HONG KONG TRASTIC BURST REPORT AREA COMPANY 56328878-000-09-18-7, LIHKG討論區