第一次去日本東京旅遊，有啲咩要注意？有網民在網上討論區發帖，自稱是一名將近 40 歲的港女，表示即將出發獻出人生第一次去日本東京旅遊。由於人生路不熟，既緊張又興奮的她，趁出發前發帖向網民求教。香港怎會缺乏東京旅遊達人？結果帖子吸引大批本地東京旅遊達人空群而出，留言指點迷津。如果你都準備出發遊東京，以下內容，值得參考。
港女網民 choco_late 日前在香港討論區發帖，題為「咁大個女第一次去東京, 無知問題一問...」港女在帖子表示：「就黎四十歲黎緊, 但係我的確係第一次去東京。心血來潮買咗飛下星期五飛, 星期一番！想請問宜家東京仲有無櫻花睇架? 我 book 咗新宿有隻哥斯拉果間酒店.........」。
港女、40 歲、下周五飛、星期一返、想問東京有冇櫻花睇、住新宿。有了背景資料，東京達人級網民開始作答。
關於賞花
有網民直線抽擊：「無啦。。。花花去到北海道了。。。新宿哥斯拉幾好喎。。。不過唯一係第一次佢擔心你新宿站容易迷路。。。每次上上落落記得睇吓出口嘅號碼。。萬一搵唔到都可以影低佢問路」。
另有網民建議去富士山睇鬱金香：「5 月初 最好是去富士山的 grinpa 看鬱金香, 或是去國營日立海浜公園看藍粉碟花. 這 2 個都可以即日來回. 晚上喜歡享受東京寧靜生活的 可以去恵比寿花園或南青山吃晚飯。」
他續稱：「如果是想去車程 1 小時內的 可以去調布神代植物園看薔薇 (你 5 月 10 到東京, 可以 5 月 12 星期日早上去 不過假日原因會很多人; 可以的話, 星期一去). 去調布神代植物園是在三鷹或吉祥寺車站坐巴士去. 而回程时, 也可以去三鷹 ghibli 宮崎駿博物館」。
其他網民回應，節錄如下：
- 現在睇櫻花, 要去到河口湖啦. 交通不難, 但花時間, 對第一次去日本的你來講, 又只得 4 日 3 夜, 不值得了, 留在市中心行下街吧
- 河口湖芝櫻仲有, 但新宿一來一回, 交通可能要 6個鐘, 無謂了.
- 要去郊區睇花, 搵一次 7 日或以上旅程吧, 只有 4D 3N, 花太多時間及車費去周邊郊區, 是不切實際.
- 報富士芝櫻 1 DAY TOUR 都得既~ 唔使煩
關於哥斯拉酒店
有網民要求港女「多做功課」：「網上有好多資料同圖片教點樣由新宿站去格拉斯麗酒店，不妨多做功課。」
有網民讚港女住哥斯拉酒店：「格拉斯麗酒店唔難搵，好易見到樓頂個歌斯拉，東京好多嘢行、睇、買、食... Enjoy。」
關於 shopping
有網民認為「東京櫻花季節已過」，建議港女 shopping 去：「哥斯拉都係新宿 JR 東囗出。迷路就出 lumine Est, 差不多 女士如果 shopping 行 lumine 1, 2, est, My lord, 已經可以用 3-4 日。不過已經唔係減價季節。祝旅程愉快」。
另有網民建議去台場及迪士尼：「幾日都住新宿 ? 如果唔係抽二日一夜落箱根行下；否則東京市內遊都 oK。去皇宛、淺草、上野、台埸、迪士尼都夠你玩。」
有網民突破盲腸，原來個個都可以係達人：「放心東京唔難玩 去得幾次都可以上網扮下東京達人」。
【精選消息】
【精選消息】
Source：香港討論區