正所謂「東家唔打，打西家。」離職轉工在商業世界甚為普遍，在離職 last day 多數人更會買「散水餅」，以慰勞及感謝上司、同事間的指導。之不過，最近有網民在 Facebook 群組「香港兼職散工群組（招聘、求職、請人、搵工）」中上載 WhatsApp 截圖，分享某地盤員工下屬離職派散水餅，上司竟出言串該下屬「乜係地盤危急時散水，係人所為？」瞬即惹來下屬發長文大反擊！
【相關新聞】
【相關新聞】
該位下屬在長文中，直指自己工作量龐大，深感疲憊。又反駁指近 2 個月來已有不少同事辭職，「要工程師冇工程師，要科文冇科文，要什工冇什工，要 support 冇 support，你可謂功不可沒。」直言作為上司的應要反省一下，何解這麼多下屬離職。及後，下屬又指出自己已在此工作 5 年，無功亦有勞，如今竟得到上司以一句「乜係地盤危急時散水，係人所為？」，認為令人心寒，反叫上司多看點書，以提升自己的人格及涵養，更指上司都有小朋友，要為此教育好下一代。
此文一出，即引來討論區的網民討論，大讚該名下屬是「職安真漢子！」更有網民認為「想好嚟好去都要搞成咁，可想而知平時面對面工作個下都幾 X 街。」亦有網民謂「講得出『係咪人所為』類似嘅字，睇來真係冇品同埋啲同事關係好脆弱，一督即爆嗰種。」此外，有網民直指現時大部分的「老屎忽老闆」都有這種「永遠都唔夠人做嘢，啲嘢做唔好、做唔切，就一定係手下啲人唔盡力做嘅問題！」又指「永遠只識鬧，推個責任畀人哋！」這種老闆思維完全不要得！
【相關新聞】
【相關新聞】