結婚是人生大事，要維繫一段幸福美滿的婚姻關係，更是大學問。夫婦倘若抵受不住五花八門的衝擊，婚姻關係將亮紅燈甚至破裂。以下這段婚姻關係，則是受到了一個「錢」字的考驗。港女不滿丈夫婚後沒有承擔經濟責任，包括家用、撫養孩子、租樓費用及各種開支等；遂到網上討論區發帖，怒氣沖沖，數爆「廢柴老公」的 7 宗罪，「求評理，邊有甘既男人！」。
網民 kitty_mama14 日前在香港討論區發帖，題為「數爆我的癈柴老公，求評理」。她在帖子開首，先交代了兩人背景。港女剖白在未嫁前，有幾百萬 cash，從事自由工作，無車無樓，後來與家人同住 500 呎居屋。
老公呢？港女指老公比她年長 9 歲，有 500 呎居屋，有車，人工大概 3 萬。
為何會結婚？原來是奉子成婚。港女埋怨：「被人搞大肚，迫於無奈結婚生 b。如果無 b 就已經分手！拍拖 9 個月，有左 bb，吾想落左佢，真係迫住先諗結婚！」就在奉子成婚後，港女陸續發現「廢柴老公」7 宗罪：
1】生 b 錢 $12 萬未還
港女稱在私家醫院生 b，老公負責支付相關費用。可是港女驚爆：「錢係我出左先，佢慢慢還，連同我之前借錢俾佢，仲差我 12 萬未還！bb 都就快一歲了。」
2】租樓住，港女付
港女續指，在結婚後至生 b 的一年裡，她與老公租私樓住，由港女負責全部租金。她解釋：「因為我要求近我屋企，所以我出錢 ok，15500hkd 一個月！」
3】不滿每月要向奶奶上繳 $1500
港女再爆，在 bb 出生後，「廢柴老公」要求港女向奶奶每月支付 $HK1500，予奶奶應付「湊 b」及買餸開支。 可是港女狠批：「我只係俾左幾個月，已經醒覺，吾再出錢！(租屋係我，買野係我，仲要出 1500？？你仲係男人？)」
4】老公從來冇俾家用
港女直線抽擊她的廢柴老公：「家用從來無俾過 1 毫子，屋企紙巾，零食，好多野都我出錢買！bb 玩具，衫，大部分我出。佢只出錢買奶粉同尿片！」
5】聘工人 要夾錢
她稱，由於奶奶不照顧 bb，遂要請工人，但要我夾錢。每個月大概 HK$2,000！
6】屋裡人太多 好迫唔自在
「廢柴老公」真的一無是處？港女表示：「佢至叻就係包水電煤，有屋住囉！」
她解釋：「但我本身都有屋企，呢加一間 500 尺住工人，住 b，住 99（奶奶）。。。。真心好迫又吾自在！」港女霸氣：「我一向吾洗反工，夠錢洗，一年去幾次旅行，真係好後悔決定同佢結婚生 b，如果生 b 吾結婚，我一個都有能力養！！！我自己湊，吾洗請工人都得！」
7】「點解為佢要咁辛苦」
港女本身沒有工作，卻要為老公而辛苦，非常不願意。由於沒有工作，靠「食老本」生活，港女的個人開支更大了。可是她強調不會為了節儉而「降低自己生活品質」！
她指控廢柴老公：「家用一蚊都無，錢又要我夾份出！呢 d 男人係咪癈到爆？」她自爆不選擇的離婚的理由，皆因 bb 年紀尚小；港女明白很多夫婦是一起付出，但港女不願再為「廢柴老公」付出。
無錢學乜人發脾氣？
港女在文未作結，依然有火，繼續發洩。她坦言：「可能有人話我自私，要為家庭付出。我只會為 bb，吾想為呢個男人同佢個家庭付出！」她批判「廢柴老公」：「做男人甘癈，學乜人生 bb 有家庭？話佢癈，話佢窮又吾認，仲要發脾氣！無錢學乜人發脾氣？」
網民：「佢強姦你？」
有錢才好發脾氣，有錢才好婚婚生育，一切都係個「錢」字。港女錯嫁「廢柴老公」？網民卻並非一面倒支持港女。網民甲不屑：「比人搞大 逼著生 BB??? 自己唔識落左佢?? 唔識叫佢戴套?? 點解你要被佢中_?? 佢用枝槍指著你頭 強奸（姦）你? 你唔想有人逼到你??? O_99。比白腸_就笑呵呵，比黃_吊就呀滋呀 JO（文字經過處理）」。
網民：「嫁完就數臭人」
網民乙突破盲腸：「係妳要嫁，嫁完就數臭人。妳當日俾佢中_（文字經過處理）時嘅山盟海誓去咗邊？佢當日強姦妳因姦成孕？有冇諗過佢可能根本唔想娶妳？只係妳威逼利誘之下佢半推半就之下夾硬同妳結婚？唔好懶偉大咁話咩為個仔，呢個只係妳唔想同佢分開嘅借口！面對現實啦，面對自己嘅家庭就係無止境嘅付出，同佢傾吓啦，問吓佢係咪真係想同妳過人世，係就叫佢再付出多啲啦，話咁落去個仔大啲妳錢洗晒唔掂！！」
其他網民留言，節錄如下：
撐港女
- 做咩一定要等到 BB 大才離婚呢？反正你自己養到，何必要噤委屈，呢個男人噤廢又計較樓主你又肯嫁嘅
- 冇責任感既男人揾你笨，很難行落去
- 真心覺得你老公真係廢柴一個戥你可憐
- 後悔咪離婚囉,反正一個人都養到 bb，再咁落去只會日日搵交嗌。到時只會俾到負面情緒落小朋友到，佢成長都唔會開心得去邊。
反港女
- 當日嘅結婚誓詞，忘記了嗎？
- 成年人有腦都唔會被人搞大個肚啦，仲有呀，被人搞大個肚就要結婚，乜年代呀？？？自己反省下自己先啦。
- 佢廢極都有人同佢結婚。生仔
【精選消息】
【精選消息】
Source：香港討論區
Photo：經濟日報（資料圖片；僅為示意圖，與本文無關）