香港的樓價持續高企，不少人都覺得婚前買樓「上車」是一種奢望，不過就算有能力可以買樓，但總會有其他阻力影響自己的「上車大計」！有網民在網上討論區分享自己打算結婚，所以準備在市區買入一個正常配套屋苑的兩房單位，預算為 1000 萬左右，但女友的兄長同時亦打算明年結婚，未來外父外母為了讓自己兒子「住好啲」，欲變賣現時自住的單位，給兒子作首期。不過，未來外父外母之後卻不與兒子同住，反要搬去與女兒（即樓主女友）同住，更要求樓主購入離市區較遠的三房單位，令樓主怒指「咁咪變相我送錢比你阿哥買樓！」
【相關報導】
樓主指女友的哥哥「打政府工」，人工尚算不錯，日後供樓的問題不大，但可惜對方儲蓄不多，「比盡買 6M 樓下既樓 要按八成」，而女友的家境不算富有，父母沒有多少積蓄，但卻想為兒子買樓出一分力，所以兩老欲變賣現時自住的單位，為兒子付首期，之後打算搬去與樓主同住，建議樓主不要在市區買樓，更稱「買三房 住遠啲舊啲都無所謂」，而樓主女友亦同意父母的決定，更一同勸樓主「遲下生仔有人湊 平日有住家飯食幾好。」
但經過樓主考慮後，列出 6 點向女友解釋自己完全不同意這個決定，惟女友在聽到頭 5 項解釋後已與樓主吵架，指樓主沒有考慮自己父母的感受，現時還與樓主冷戰中。
1. 本來可以享受舒舒服服有正常會所既市區屋苑 無啦啦要 downgrade 住遠住舊？
2. 咁咪變相我送錢比你阿哥買樓 仲要住得舒服過我！？
3. 舊錢係我同我屋企貼錢 比你住可以係我責任 但點解會納入你全家既計劃之中？有冇諗過我都係有父母 佢地都想我住好少少
4. 你屋企又唔係有財困 會比人追數比人斬 而我屋企又唔係咩大富大貴 部分首期都係我父母儲落既辛苦錢
5. 最大問題係我唔想同外父外母一齊住
6. 我婚都未求 最後一定係你架咩
而樓主則稱「呢件事真係愈諗愈嬲」，直指其兄長完全可以有其它方法令自己「住好啲」，而非靠父母變賣物業！
不少網民看到樓主的分享後紛紛建議樓主不能退讓，「企硬就得架啦 理 X 佢，橫掂佢都唔要面洗咩客氣」、「其實道理係你到比係人情唔比係道理」、「自己老婆(我當你第時娶佢)都唔撐自己 呢下已經唔抵幫 你睇下你未來外父外母咩態度先 如果係老奉咁 你就緊係不了啦」、「一係接受，以後呢世硬食，一係分手，中出都咪制」、「外父外母仲煩 X 過你老豆老母」、「反正未求婚，分手啦，如果唔係遲下手尾仲長！」
【相關報導】
【相關報導】
Source：連登討論區