不少網上餐廳評價平台，都提供網上訂座服務，甚或提供訂座優惠，不過有網民則在 Facebook 群組「中伏飲食報料區」內指，自己於某個 App 上訂位，優惠顯示可享 68 折優惠，但到餐廳結帳時，收據上卻只顯示「6.8」折，所以於群組內求助一眾網民：「請各位幫忙解答 68 折同 6.8 折的分別。餐廳員工說 68 折等於 6.8 折。 是真的嗎?」問題一出，即被不少網民嘲笑。
【相關報導】
從樓主上傳的收據看到，樓主一共 2 人用餐，扣除鍋底海鮮酒水沒有折扣，其他食品可享 68 折（正確就即是 32% off），應付金額的確是 $728 ，店家並沒計錯，但樓主卻堅持 68 折與 6.8 折有差別，指兩者相差了 10 倍，更指員工的解釋不正確，令一眾網民無言以對。
不少網民紛紛留言嘲笑樓主，「樓主數學係咪體育老師教架？」、「就算食物幾難食都好，要餐廳 100 蚊減到 6.8，都知道無可能吧！點維皮！就算唔識計數，常識都知無可能！」、「你不會天真到以為原價 100 元收你 6.8 吧？」、「唔識計數話人伏，讀多 D 書嘛！」、「唔睇清楚自己計下張單放上黎 無知真係好可怕」、「樓主想 R 著數呀，OpenRice 話 68 折，佢計左俾佢，但佢見人地張單 6.8 折想人俾佢 0.068 呢個價，哈哈！平時啲人講 6 折唔通又真係 0.06 咩」，更有部份好心網民嘗試解釋，「 68 折咪即係 6.8 折囉職員冇錯喎～一係你諗下咩叫 9 折咩叫 95 折」、「正確寫法係六八折，用數字寫就 6.8 折，其實你用返 9 折去睇就明，即係 9.0 折/九折囉，用英文寫就調轉 32%off！」
【相關報導】
【相關報導】
Source：中伏飲食報料區@Fb