香港地除咗人工唔加之外，其他諸如食品、交通、租金乜都加價。近日，就有網民在 Facebook 群組中上載相片，指旺角某冰室驚現 HK$30 一個嘅菠蘿包，雖則寫著「超級珍寶菠蘿包」，比起一般麵飽店賣的菠蘿包巨型，但其價錢可謂貴得相當得人驚呢！
【相關新聞】
【相關新聞】
難怪網民們見狀，也大嘆「邊係我哋啲平民食架」、「唔會食」等，亦有網民謂「買個真菠蘿加個包都唔使 3 草（30 元）喇」。更有網民指 $30 菠蘿包其實是國內自由行同胞專享，並非香港普通人吃得起。之不過，亦有網民表示香港係一個自由市場，就如汽水一罐士多賣 $3 至 $4，但你去酒店飲罐汽水分分鐘收你過百元，所以即使 $30 係貴但無問題。
你以為 $30 菠蘿包真的好貴，有網民開估指原來這個「超級珍寶菠蘿包」！記者翻查資料，原來該家位於朗豪坊的冰室，正推廣這款「限定」新產品，所謂「超級珍寶菠蘿包」，內裡其實加有午餐肉、炒滑蛋、香濃芝士及番茄，就像巨無霸一樣。未知見到這個真相後，你又會否覺得物超所值，心動想去一試呢？
【相關新聞】
【相關新聞】