可能不少人認為，巴士司機既然掌控得一條巴士路線，理應會對該路線瞭如指掌，不會行錯過，才可安全舒適地帶乘客到目的地。可是實情似乎不如大家想像般理想，因為有討論區網民開了一個名為「巴士司機會唔會揸錯路？」的 post 後，隨即引來不同巴絲打分享巴士司機行錯路經歷，甚至有車長巴打留言表示自己試過兩次行錯路，「一次小問題，未出迴旋處兜返轉頭；一次唔記得落 highway，要喺下面出口返轉頭，來回行多咗 15 分鐘」，以及提到：「呢次啲乘客醒呀，啱啱大埔車禍冇耐，全程唔敢出聲，落車先至 XX 我」！
【相關報道】
【相關報道】
一眾網民除了分享巴士司機行錯路的情況外，也不忘提及當該巴士司機行錯路時，司機及乘客是有何反應，真是「識睇一定要睇留言」。有網民提到有司機知道行錯路後大叫：「我哋兜多個圈呀吓」，怎料乘客不僅沒痛罵，更指：「得㗎喇，慢慢啦入錯左咪再嚟過，唔洗怯喎」，以及有網民分享「司機一路踩到去太古城，講晒 sorry，話第一次替更，唔熟路」。當然，每個巴士司機行錯路的經歷都不一樣，因此處理手法各異是十分平常，不過如你是乘客，遇上行錯了路的巴士司機時，會有那些感覺呢？到底是以平常心面對，還是立即燥底，直斥司機其非呢？
精選巴士司機行錯路經歷：
- 260X（寶田至紅磡站）：入錯西隧，兜咗去東邊街先返九龍
- N962（銅鑼灣摩頓台至龍門居）：返屯門冇落下路，返到屯官嗰邊再衝返去深井落下路，前後遲左成大半個鐘
- 276A（天恆邨至太平）：去上水，司機揸咗去大欖隧道，去到收費亭有隧道職員帶個司機行地下通道過返對面線返轉頭
- 28（樂華至尖沙咀碼頭）：本身出完九龍灣就會兜土瓜灣先去紅磡，點知嗰日個司機一出九龍灣就直上咗天橋，直到紅磡，之後個司機停低架車打去問人點做，成車人 X 佢「都到咗紅磡，行 X 埋佢先算啦」
- 5X（堅尼地城至銅鑼灣威非路道）：司機當咗揸 5B，無行快路同上橋
- E22（機場博覽館至藍田北）：司機揸咗去荃灣方向。幾經辛苦上返龍翔道，又兜咗上石硤尾，成車人狂 X。搭到石硤尾個司機直頭迷埋路
- 307：（大埔中心至中環碼頭）：衝咗落中環灣仔繞道
- 42C（藍田站至青衣長亨邨）：去到長安個大站，我準備要落車所以喺上面行咗落樓下，點知司機無啦啦大叫：「我哋兜多個圈呀吓」。原來係佢入錯咗 lane，一邊係出九龍個站，一邊係返青衣個站，咁就兜多咗 5 分鐘先落到車。啲大叔聽到司機咁講都冇燥佢，仲話：「得㗎喇慢慢啦，入錯咗咪再嚟過，唔洗怯喎。」
- 269M（天恩邨至祖堯）：大欖出隧道去荃灣，點知直接剷去汀九橋
- 970X（香港仔至蘇屋邨）：司機行完薄扶林，過完港大，唔記得行山道天橋。仲傻吓傻吓，爭啲唔試跟 970 行，想經聖類斯中學嗰邊落斜（嗰邊個斜度，巴士呢類長車行會出問題），成車人喝住佢咪亂行先冇事，零願慢少少都唔識做傻事。
【相關報道】
【相關報道】
Source: lihkg