不少超市為方便客人購物，都會提供售後送貨服務，不過有網民日前選用送貨服務後，卻對職員的包裝運送手法非常不滿，並在 Facebook 群組「大埔」內分享，指職員將她購買的洗衣粉和食品，裝在同一個紙箱內送貨。當樓主收到貨時，食物的外包裝已吸入洗衣粉中刺鼻的化學味，更問其他網民，自己若以此原因要求超市為自己更換一批新的食物，要求會否太過份。最後，樓主被一眾網民嘲笑。
【相關報導】
樓主指自己在超市購買了食物及洗衣粉，在結帳時已特別向職員要求送貨時洗衣粉和食物要用不同的紙箱包裝，當時職員更回應「放心，就算你唔講，我地嘅同事都識，從來化學野唔會同食物放埋一齊。」但當樓主收貨後卻發現全部貨物都裝在同一紙箱內，並附上包裝的照片。從照片中可見，兩盒洗衣粉都有紙箱作外包裝，而食物則有用一個白色膠袋裝著，再放入紙箱中。樓主之後稱，自己已於收貨後將食物放在空氣流通的地方「抖氣」2 天，但食物的外包裝還有「好大陣檸檬洗衣粉味」，直指自己「完全唔敢食落肚。」同時更問網民：「唔知間超市肯唔肯換，如果肯換，咁呢啲吸晒化學味嘅野咪有機會俾其他客買番？我唔想有人中招，可否要求超市係我面前銷毀啲吸晒化學味嘅食物？我呢啲要求大家會否覺得好過份？我要換番啲新嘅食物，都合理吧？！」
不少網民紛紛留言覺得多此一舉，並嘲諷樓主「打算食埋個包裝？」、「用濕布抹幾次再吹乾咯，你又唔會食埋膠袋，咁原因退貨誇張啲吧」、「你食埋個袋架，好心咪做西客大嘥鬼啦，何必留難人呢？」，更有網民勸樓主下次不再選用送貨服務，「其實食物已經再加一個白色袋隔開，真係接受唔到就下次自己拎啦。」、「結取教訓，下次食物就自己拿走」，同時有網民更直接指出「其實全部野都包住晒，根本唔會影響到啲食物！」
不過，有網民都同情樓主的遭遇，表示「可能好多人都未試過呢啲咁嘅情況， 所以大家鬧得好開心。我就試過洗衣液同埋公仔麵擺埋一齊， 大家都有包裝， 但結果個公仔麵全部都係洗衣液嘅味道， 當你煮熟咗嗰個入咗味個公仔麵，食緊時個麵係夾雜住洗衣液隻味時，你就會明㗎喇」。對於不少網民認為樓主不應選用送貨服務，樓主亦有現身解釋，反擊指「送貨服務係我買滿 500 就應得嘅服務。」
【相關報導】
【相關報導】
Source：大埔@Fb