欖菜肉鬆四季豆、椒鹽雞中翼、南乳蓮藕炆五花腩、梅菜豆卜炆鯇魚、黑椒豬爽肉、豉油皇乳鴿 ...... 的確單看字都相當肚餓，很想盡情食好西！不過大家別以為以上是某間酒樓或茶餐廳 menu，這些家常菜式全是一位煮得一手好菜的爸爸，為教巴打煮餸而製作的 YouTube 教學影片內容。這位有超能爸爸教煮餸的巴打，最近就在討論區出 post 分享爸爸開 YouTube 頻道「煮提 cook」的經歷，希望更多網友認識，還提到「有次意氣之下話佢咁巴閉點解唔拍片叫人煮，起碼教吓我都好」，豈料巴打爸爸原來已一口氣拍咗 100 條教學影片！
【相關報道】
【相關報道】
不少網民看到巴打的 post 後，除了隔住個 mon 都感到好肚餓，還妒忌巴打有一位懂得煮一手好菜的爸爸，有感巴打生活幸福，能夠天天食好西。當中不知有網民是否因為吃得太多家中的暗黑料理而感到失落，因此留言提到「可以畀阿媽睇學煮」、「即刻 send 畀老母睇，老母識煮嘅餸唔多過十種」，希望自己的娘親能盡得巴打爸爸真傳，跟暗黑料理講拜拜。
有部分網民還大讚樓主爸爸懂得拍片、剪片放上 YouTube，簡直是絕種好男人外，與此同時都有留言建議「要教吓爸爸點收音，背景個爐好大聲」、「如果有心嘅，最好加字幕」，希望提升影片質素，甚至有巴絲打笑稱，既然巴打爸爸下足心機拍片教烹飪，巴打也應幫爸爸購買好裝備拍片，以表孝心。
老實講，如果大家有一定程度的肚餓，真不能看巴打爸爸的「煮提 cook」YouTube 頻道，只因當中 po 了過百款家常小菜及甜品，除了文初所提外，還有上海粗炒、白飯魚炒蛋、檸檬蒸烏頭、椰汁馬豆糕等充滿家的味道的美食，並提供食材冷知識及煮食小貼士，資訊相當詳盡。即使影片中的食物賣相一般，但都足以讓大家口水直流，愈看愈餓！
精選網民留言：
- 已科勞，男人煮住家菜係有一手
- 人在外國自己想煮吓嘢食，留名學
- 好幸福，可唔可以打擾吓伯父
- 識煮咁多已經好犀利，仲識拍片剪片
- 可以畀阿媽睇學煮
- 即刻 send 畀老母睇，老母識煮嘅餸唔多過十種
- 煮提 cook 係你爸爸諗嘅？好有阿叔食字爛 gag 嘅感覺
- 衰仔，幫老竇買啲裝備拍片啦
- 睇到好肚餓，要教吓爸爸點收音，背景個爐好大聲
- 如果有心嘅，最好加字幕
【相關報道】
【相關報道】
Source: lihkg