香港不少快餐店，都是先付款後送餐，但一名在快餐店任職服務員的網民，在 Facebook「西客之道」群組內分享自己遇過有港爸稱要照顧小朋友，而拒絕先付款。該食客之後被經理一句寸爆後，直指會出律師信投訴經理。但事發至今已半年，樓主稱店鋪仍未收到律師信，故投稿至群組欲詢問該名港爸「係咪寄失咗封信。」
【相關報導】
樓主稱自己任職的快餐店之模式，是先點餐，然後由食客自行取餐到收銀台付款。事發當日，港爸一家 4 口到快餐店用餐，一開始港爸與太太先點餐，之後太太便帶同 2 名小朋友到店內就坐，剩下港爸 1 人取餐，他們一共點了 3 份食物，共需 2 個托盤，而港爸取餐後，便想直接走回座位，並無付款的意欲。樓主見狀便馬上提醒對方「唔好意思啊，要先打單比錢，才拎返坐位」，港爸聞言大怒，大聲地指「你睇唔睇到我有 2 個小朋友架，係咪而家拎左返位先都唔比啊，我又唔係唔比錢，你咩態度啊！」之後樓主的經理看不過眼便開口指：「先生，你去超市買野，試下拎晒啲野返屋企先，同個收銀講你要照顧小朋友無手，你又唔係唔比錢，睇下人地會點！」港爸見自己理虧但仍「拎尾彩」向經理指「你等收律師信啦」，不過樓主指事發至今已有半年，但店鋪仍未收到相關的律師信，懷疑該封律師信「寄失咗」，暗寸該名港爸。
不少網民都留言大讚經理「好波」並嘲笑港爸，「個個都以為出律師信好威咁」、「家下律師真係泛濫到咁？乜都可以出律師信」、「又講律師信，都話左岀律師信要二千幾蚊咯，岀左又唔係告，只係有位律師幫你用英文傳達左你嘅不滿」，更有網民指港爸教壞小朋友，「身教好緊要！連出街食飯跟餐廳 規矩都唔識就咪學人帶小朋友出街食啦！教壞哂！」
【相關報導】
【相關報導】
Source：西客之道@Fb
Photo：經濟日報圖片（示意圖）