雖然不少人都話情侶之間，信任是非常重要的，但利用另一半對自己的信任，去做出一些傷害對方的事是非常「唔要得」。近日，有巴打在網上討論區上分享自己因為太過相信女朋友，而懷疑自己被「戴綠帽」的經歷，索取一眾網民的意見。
【相關報導】
樓主稱女友早前稱欲要與 2 名男性舊同學去旅行，途中會順便出席前男友的畢業典禮，而樓主得知後稱「都相信佢（女友）嘅，畢竟佢地都做咗好多年同學，Friend 咗好多年」，但當後來樓主知道女友因省錢而選擇整個行程都與 2 名男友人同住一間房後，提出異議，最後在樓主多番堅持下，女友才願意分房。
同時樓主亦要求女友在旅程中，晚上抽出一點時間與自己 FaceTime，以證明她並無與 2 名男友人同住，但女友卻「死都唔肯」，最後更因此「嬲咗」樓主，導致整個旅程都並無與樓主聯絡，待女友回港後亦對旅程隻字不提。樓主當時則指自己「放低咗」所以無追問詳情，但近日樓主回想起整件事，自覺「有啲唔對路」，故於網上討論區發帖，詢問網民到底是否自己「諗多咗！」
不過網民似乎亦與樓主一樣，認為事件「唔多對路」，「真係有分房點會唔肯FaceTime 」、「其實傻嘅都知你想同佢 facetime 都係想睇吓係咪真係有分房，佢唔會 get 唔到，返一返房同你 facetime 個五分鐘大家求個安心都唔過份，佢唔肯都幾難解䆁」、「啲女人好古惑」，不過亦有網民為樓主理性地分析，「佢講咩都冇用，你覺得有野就會係有野，就算你女友講廿次冇野你都係唔會信，既然你心入面有條刺，一係你做番啲類似既野平衡番個心理，一係由佢，一係揾過個，男人老狗飲多兩杯就落決定啦，飲酒唔會混亂你既決定，只會幫你鼓起勇氣做你平時唔敢做既野！」
【相關報導】
【相關報導】
Source：連登討論區 、《志明與春嬌》劇照