正所謂「童言無忌」，有些說話從小朋友口中說出，大家或許會包容一下，但同樣的說話若從大人的口裡說出來，帶出的訊息就截然不同了。有網民在「生仔要考牌系列」Facebook 群組中分享自己早前乘搭港鐵時，遇到無知的家長出言侮辱同車內一名疑似患有自閉症的小朋友，更當眾與自己的孩子指對方「痴線」，令樓主不禁反問「媽媽們咁樣教小朋友真係啱咩？」
【相關報導】
樓主稱當時正是放學時間，車廂已經相當擠逼，車上有一名工人姐姐帶著一名疑似患有自閉症的男童，樓主見男童當時不斷咬自己雙手，猜測對方情緒不穩，但亦看出男童很努力在控制情緒，「忍住唔敢大叫，但是都有啲飲泣聲。」而同行的工人姐姐則在旁不斷安慰男童。
不過原本擠擁的車廂，在男童附近就突然變得空曠，其他乘客似乎亦發現到男童有異常的表現，當中有數名帶著子女的媽媽更突然大聲與子女說，「佢肯定痴線㗎，唔好行埋去！」其中有一名年紀較小的小朋友或未明白其母的意思，則大聲地問「咩係痴線？」而其母不但沒有教導小朋友正確的知識，更誇張地恐嚇小朋友「佢一陣就會來打你㗎啦！」，令小朋友們嚇至四散。在旁目睹一切的樓主不禁慨嘆，「我唔係咩聖人，但是眼見喊緊果個男仔只是喊 & 咬自己個手，無傷害任何人，媽媽們咁樣教小朋友真係啱咩？」
不少網民都留言斥該名母親「唔識教仔」並同情該名男童，並留言道：「無知好可怕」、「人哋可能有情緒病，但佢已經控制緊自己，有必要踩一腳嗎？」、「 其實有情緒病的人，絕大多數想傷害的，只是自己！」、「已經唔係要求你幫忙、包容、接納呢類小朋友 ... 但實在冇必要落井下石」。不過亦有網民認民該名母親只是「護子心切」，留言謂：「如果咬自己嗰個細路真係會突然亂咬人會點？將心比己，你出街見到某人行為古怪，你會唔會迴避？會唔會覺得某人痴線？」、「個呀媽咁大聲話人係唔啱，不過你哋一個二個判官冇人係現場根本冇人知當時個細路情況係點，唔該就唔好懶係企係道德高地話人啦！」
【相關報導】
【相關報導】
Source：生仔要考牌系列 @ Facebook