不知大家有否遇上家中開鎖損壞，需要請鎖匠前來開鎖解決呢？一般鎖匠前來開鎖，會因應開鎖性質報價，因此每個個案收費不盡相同，但假如大家知道開一個門鎖是索價 HK$3,800，兼且會同時將門弄壞的話，相信十之八九會感到大為震驚，反應或會跟這位遇上「馬鞍山鎖匠暴力開鎖索價 HK$3,800」事件的馬鞍山居民一樣。
【相關報道】
【相關報道】
這位「馬友」出 post 除了分享鎖匠暴力開露台門鎖索價 HK$3,800 的事件外，還有提事後想致電店方了解當時開鎖經過，但反被店方封鎖的情況，以及提醒網友小心這間開鎖黑店。雖然有網友同情樓主的遭遇，提到：「你把咩鎖，3800 開鎖仲要搞成咁」、「拎個鎚仔爆玻璃整番都唔使咁價錢......」、「自己用鐡筆搞掂」、「似拆屋多啲」，以及着樓主「報《東張西望》」，可是有其他網友認為事有蹺蹊，以及認為樓主既然已付款，即是對該服務感到滿意。「樓主，你不在埸唧，你屋企有其他大人喺度㗎，咁都畀錢？當中會唔會仲有故仔呀？」、「明知到咁，咁都畀錢個師傅？即係滿意啦」，不過樓主強調自己當時不在家，只有家人在場，「屋企人都嚇到傻咗畀 $ 請個傻佬走啦」。
樓主其後於留言表示：「如果我可以控制到就唔會發生，如我所講，呢件事發生咗做錯咗都番唔到轉頭，我出 post 目的只係想提醒大家呢間黑店，同埋大家如果對呢間黑店有多啲資料提供就話我知啦！」想不到的是，真有網民分享朋友使用同一間開鎖店的開天索價事件，並指店方「好識得利用 Google Search」：「這間出名黑店，我朋友都『奶』過嘢，爆爛個鎖收 HK$6,000。佢好識得利用 Google search，打任何一區開鎖，佢都會彈出嚟，講到自己好專業咁，最叻係收咗錢就 block 你。」
精選網民留言：
- 你把咩鎖，3800 開鎖仲要搞成咁
- 3800 開到咁！仲好過去搶！
- 拎個鎚仔爆玻璃整番都唔使咁價錢......
- 似拆屋多啲
- 報《東張西望》
- 樓主，你不在埸唧，你屋企有其他大人喺度㗎，咁都畀錢？當中會唔會仲有故仔呀？
- 明知到咁，咁都畀錢個師傅？即係滿意啦
- 果然係專業開鎖
- 呢種叫做撬門，唔係開鎖
- 下次如果有咩嘢，問好價先做。通常師傅係睇完個問題，跟住報價。你同意價錢，佢先做，做完如果海鮮價，梗係唔理佢
【相關報道】
【相關報道】