港女新居入伙無法上網，竟然發晦氣搬走不願嫁？有巴打稱與未婚妻辛苦儲蓄，終於成功「上車」，尚有 3 個月就結婚了。豈料新居入伙，未婚妻發現未能上網，竟為此一走了之！可憐巴打負責了大部分裝修事宜，卻「百密一疏」走漏眼，兼「走埋」未婚妻！巴打無奈不知點算好，遂到討論區向網民求救。
巴打「是事旦旦」日前在香港討論區發帖，題為「好地地搬個屋都要嘈到唔想嫁」。巴打驚爆，在拍拖階段已知女友「好煩好多要求」，奈何巴打就是愛她，「冇計，唯有硬食」，係愛呀巴打！
「買靚屋先肯嫁」
他續稱：「結婚前佢話要買靚屋先肯嫁俾我。好啦，大家死慳死抵，努力工作，再加埋屋企人補貼少少，儲夠首期買到天_（文字經過處理），佢應承嫁俾我，諗住一天都光晒啦，點知原來仲未！」樓主透露，前些天新居完成裝修，遂與未婚妻搬進去。以為自此展開甜蜜新生活你就輸了！他苦訴：「點知第一日佢就投訴話點解上唔到網，我估啲線未搞掂掛，但佢都炸哂型咁罵點解我搞少少野都搞唔掂。」
樓主無奈：「大姐呀，我又唔係寬頻師父，上網嘢鬼識咁多啫，求其搞得掂就算啦，同埋裝修大部分都係我去理晒咁滯，咁細微既嘢可能 miss 咗好正常啫。」重點！「最癲既係佢竟然因為咁而發晦氣話唔嫁俾我，仲即刻返左屋企訓，到而家都唔肯睬我。」
網民：「你女友係極品」
江湖救急，不少網民踴躍留言，卻都表示錯在未婚妻。有網民直斥：「你女朋友真係極品黎架喎！你一定要守護住佢，唔好放佢出黎！」、「講真，條女咁既性格，你真係諗住可以對一世？你忍受到你屋企人都可以？」。
有網民建議：「千祈咪心軟，喱啲女人得寸進尺，第日結咗婚有排你受呀！」、「我無得上網都無所謂，不如你娶我好過啦！」、「樓主，如果你唔係作野，我真心的同你講：江山易改本性難移，唔好諗住時間可以改變一個人，你將來只會越黎越唔開心 .... 有機會，揾個真係愛你既人仲好」。
有巴打叫樓主賣掉新居：「事到如今，唯有將個單位 500 蚊放出去，希望執番多少啦」。
「上唔到網同世界末日冇分別」
也有網民撐未婚妻：「完全係你問題啦！e+上唔到網，同世界末日冇分別，世界末日，有間天_（文字經過處理）有鬼用咩！」
其他網民意見，節錄如下：
- 哈哈哈！分手 la！如果繼續落去，你下個主題係「女皇練成 調教（校）篇」
- 同住難呢句野真係無錯...
- 最緊要層樓冇佢名～
- 結左婚生埋仔有排你受弓起晒
- 未結都咁樣，結左，有排你受，諗清楚
- 中_即飛啦 仲諗咁多做咩（文字經過處理）
【精選消息】
【精選消息】
Source：香港討論區