香港住屋問題嚴重，甚至可能傷害一段本來美滿的婚姻關係。有公屋男在網上討論區發帖，自爆本來已與女友計劃在婚後要住私樓，豈料意外懷孕，奉子成婚失預算，港女太太被迫要搬進公屋男的家。住了僅兩星期，港女太太抱怨公屋居住環境太複雜，想返娘家暫住。公屋男不知點算好，遂發帖向網民求救。
港女拍拖 要求婚後住私樓
網民「寒冬天晴」日前在香港討論區發帖，題為「住公屋係咪一段新婚關係嘅毒藥？」樓主在帖子剖白，自己從小在公屋長大，太太於婚前住私樓。在拍拖階段，太太已表態，不論租或買，希望婚後一起搬進私樓，不想住公屋。
公屋男遂有了狠清晰的人生目標，自此天天發奮向上，努力積蓄。誰料太太在婚前意外懷孕，公屋男坦言結婚駛費花掉一大筆積蓄，又要預留銀彈應付孩子出生後的開支需要。公屋男左計右算，最終決定讓太太搬進公屋男的家，並與老爺奶奶同住。
問題來了！公屋男稱：「佢黎左住兩星期，已經好多抱怨，怨屋企又殘又舊，怨呢頭好雜，甚至連屋企上網都可以拎黎罵一餐。琴晚佢話想暫時分開下，想返娘家住，我都唔知點好。」
網民：「不佔外父便宜，多關心老婆」
截稿前，帖子吸引 29,812 個點擊瀏覽，不少網民紛紛讚好，踴躍留言，卻非指罵港女，而是齊心獻計，救公屋男於水深火熱之中。有網民建議：「出去租樓，寧願其他野慳 D」、「要捱，系事實。如果系有愛情，頂得住嘅。如果系冇，咁就自己發奮喇，天涯何處無芳草」。
有網民贊成暫時分開：「好，分開下，儲下錢，尊重她决定，你做男人亦要有腰骨！1>不佔外父便宜，不跟去，分開住！2>馬上加速儲錢，有條件就馬上租樓！3>多關心老婆！」有網民「突破盲腸」：「唔好乘機唱衰公屋啦，有好多公屋都大過私樓，靚唔靚既一定唔夠私樓靚，問題唔係人人話想買就得，周圍都萬幾蚊尺，連嘉湖都出現到 13000 蚊尺，點買？樓 50 歲有錢都可買，生仔結婚點 50 歲先做？ 唔好被樓擔誤時間」。
有網民直斥公屋男：「好心你自己住公屋就唔好媾女啦，毁左個女仔一生」、「公屋仔真係累人累物累社會累地球累宇宙」。
【精選消息】
【精選消息】
Source：香港討論區