朋友生日約吃生日飯本為平常事，但生日壽星是否一定會被請客慶祝呢，相信每人對此都有不同看法。最近有一位在討論區出 post 的絲打，假定生日壽星一定會被請客，更提到自己試過吃兩次生日飯，都要自己夾錢埋單，感覺有點愕然，以及「其實我生日唔約我食飯我真係 OK 㗎，依家無端白事冇咗幾舊水......」
【相關報道】
【相關報道】
對於絲打假定生日被邀請食慶生飯，是一定會被請客的想法，似乎不被大部分留言的網民認同，有網民嘲笑：「3 張嘢幾舊水都畀唔起？」、「睇得自己咁高，純粹搵個藉口 gathering 姐」之外，也不忘直斥絲打小器：「請你食飯係好意，並唔係老奉喎」、「2019 仲興羅漢請觀音？」、「咪唔好食囉，無人迫你食，真心唔明呢啲人，人哋出嚟同你慶祝，畀返自己個份都要覺得好慘咁」。
當中亦有網民擁有跟絲打一樣的「被邀請食飯卻要自己夾錢」的經歷，有網友提到吃 farewell 飯竟要自己付費，亦有網民提及「生日去食飯加唱 K，仲要唱 K 有生日優惠，最後全部都要夾返份」，並稱「自此唔係好 fd 好熟嘅聚會都唔會去」。其實朋友飯聚最緊要開心，因一百幾十飯錢而斷送友誼，那又何必呢？
精選網民留言：
- 有朋友同你一齊食飯慶祝生日，都算係咁啦
- 3 張嘢幾舊水都畀唔起？
- 睇得自己咁高，純粹搵個藉口 gathering 姐
- 朋友生日就一定要請佢食飯？請你食飯係好意，並唔係老奉喎
- 咪唔好食囉，無人迫你食，真心唔明呢啲人，人哋出嚟同你慶祝，畀返自己個份都要覺得好慘咁，咁大個人都咁小器
- 圍內 fd 生日都係大家出嚟食餐飯，有折就平均平返畀大家，每人一份，唔明有咩問題。2019 仲興羅漢請觀音？
- 搞前應該有共識啦要，如果無人講定夾埋你果份，你咪預咗要自己畀先
- 其實呢啲同畀 tips 一樣，係講心意啫，畀返自己果份唔過份吖，人哋請咪當 bonus 囉，如果你要啲朋友請你食飯，你先出嚟，咁你都唔係一個好嘅朋友啦，真朋友會咁㗎咩......唔請畀返自己都冇咩所謂，就算請完之後糖水、甜品你都要請返人啦
- 我都試過......幫我 farewell，但要夾返錢
- 試過。生日去食飯加唱 K，仲要唱 K 有生日優惠，最後全部都要夾返份，自此唔係好 fd 好熟嘅聚會都唔會去
【相關報道】
【相關報道】
Source: lihkg