揸車對不少人而言是一大樂事，但在香港揸車由於要為泊車而煩惱，因此對不少駕駛者而言，未必是感覺良好的事情。最近有巴打出 post 指出自己身患泊車恐懼症：「泊車真係好 X 恐怖，有無人明我心情？一個唔小心撞咗隔離部林寶，還一世錢都還唔完」外，更自認「我廢我無用」。
【相關報道】
【相關報道】
事實上香港存在土地問題，路面車多路窄，因此不論在停車場，以至是街上泊車，都是技術的表現。有網民同意樓主怕泊車的想法：「打窄嘅位都唔敢去」、「正常，我有後車都驚，心理問題，驚阻到後面」、「泊唔到 S 位」、「入停車場都驚，尤其啲地獄車場」。不過，不少網民認為泊車只是工多藝熟的事情，多點練習自會練得一手好泊車技術，毋須感到害怕，更指「揸得多泊得多，阿木都變拓海」。「街邊 S 位都係考你偷位，練多啲同認清自己架車有幾長就 OK」、「搵個少人少車嘅地方練，練得多就會熟，熟就會快」、「4.9 米車泊所有 S、L 位都冇問題，除咗物理上唔夠位，都係工多藝熟」。
此外，有部分網民不同意樓主「怕泊車而不敢揸車」的原因，反指「我怕樓主所以唔夠膽揸車」、「我怕搵唔到位泊多啲」，尤其要在旺區找車位泊車是十分麻煩，因此更不想駕車出外，以免無位泊車。
精選網民留言：
- 我怕樓主所以唔夠膽揸車
- 我怕搵唔到位泊多啲
- 泊停車場咪得，貴一貴無人去果啲
- 街邊 S 位都係考你偷位，練多啲同認清自己架車有幾長就 OK
- 唔知以為揸緊 S500，三門 Benz 泊車，泊唔掂咪整部 4 米長嘅車，慢慢練
- 搵個少人少車嘅地方練，練得多就會熟，熟就會快
- 其實揸得多泊得多，阿木都變拓海，都係嗰句無事先做到世界冠軍
- 喺條路行唔驚，驚泊車咩玩法
- 最鐘意泊窄位，有強迫症，愈窄愈有安全感
- 4.9 米車泊所有 S、L 位都冇問題，除咗物理上唔夠位，都係工多藝熟
【相關報道】
【相關報道】
Source: lihkg