港女中環上班要打扮見客，碌爆卡求救？港女網民 gggillau 日前在網上討論區 Baby-Kingdom 發帖，題為「前排碌卡碌大左，一發不可收拾，求救」。港女表示自己在中環上班，由於要見客，又受到同事成身名牌影響而要打扮，終於入不敷支，拖欠 30 萬港元卡數，遂向姊妹求救。
港女在帖子剖白：「我係中環返工，因為成日要出街見客之餘，身邊個個同事都成身名牌，搞到自己都唔敢著到太寒酸，所以成日都會買名牌新衫新鞋同化妝品，每個月洗好多錢落呢方面下，前排直頭入不敷支還唔清卡數」！
港女怎麼辦？她說：「咁我就淨係還 min pay 頂住先啦，以為應該 ok 啦。平時我無咩點留意條數喎，以為 d 息都唔會滾到好大」，豈料她早前收到銀行來電，才知道已拖欠接近 30 萬卡數。港女問：「我係咪應該借筆錢分期還唒全部卡數？」
網民：「銀行做還款分期」
江湖救急，不少網民踴躍教路：「去銀行做還款分期啦！不過你都要唔好再買野。」、「去銀行借一批錢次還晒，呢批數就分期還」。有網民呼籲港女剪卡，及向家人求助：「俾個有用建議你，剪卡，唔識用信用卡就唔好用了，累你一生，後生女有條 300k 卡數係身。盡快借低息貸款一次還清先，之後記帳控制開支，祝你早日還清」、「問家人有無儲蓄幫你還左先，每個月用一半糧還畀家人，所有卡都剪哂去」。
「唔應該同人對比，整潔已 ok」
有網民提醒不要與同事比較：「將 D 名牌賣返出下幫補下還咭數？衹留真係必須嘅，其實唔應該同人有對比之心，整潔已經 Ok 了，量力而爲，唔好再拖了，將咭畀家人保管或學上面 JM 剪咗張咭，吸取教訓，盡快還清咭數，重新開始」。
有網民建議套現：「有無 d 值錢野，賣曬出去套現先。例如 d 名牌袋手飾果 d, 如果用得新淨又有單或肯陪驗都有人買的。咁當然要平好多。睇吓套到幾多現金。千萬唔好借財仔！必要時睇吓有無家人可以借俾你。記住剪咭，以後現金買野，你衰極都唔會欠債。同銀行傾吓可以點搞」。
有網民直斥：「咁返工唔係搵錢？係駛錢？不如係留屋企，都唔會負債啦」、「你好細個？銀行個個月有statement wor，咁碌法張卡無爆？拿拿聲賣得就賣，籌住 d 錢，節衣縮食盡還啦」、「300k 大唔大，細唔細，日日食麵包還清，定係破產一世，或者做......隨你。我會揀食草兩年還清佢，重過新生活」。
【精選消息】
【精選消息】
Source：baby-kingdom