去日本，住膠囊！日本發展出來的特色住宿「膠囊酒店」，偌大空間分為多個上下格獨立宿位，便宜又新穎，加上日本的衛生質素可靠，「膠囊酒店」贏得不少只為宿一宵的「窮遊」旅客青睞。日前有準備出發去日本玩的香港網民，上網向巴絲打請教，入住日本膠囊酒店需要注意的事項。
網民：「瞓下格會好啲」
網民「japgod」日前在香港討論區發帖，題為「有無人瞓過膠囊？」，樓主在帖子問：「係咪好嘈，瞓唔到覺？」，推斷樓主可能即將出發日本，正在考慮是否入住膠囊酒店。帖子贏得不少網民回應，分享入住日本膠囊酒店的體驗。有網民表示：「我瞓過上格，覺得瞓下格會好啲」、「眼瞓乜都聽唔到」、「可能係人哋瞓唔到覺」；有網民大讚：「入城至愛…」。
巴打推介 京都百夫長
有網民推介：「搵一晚半晚試下都要啦，未試過嘛。最好去試下京都 4 條果間百夫長，週末好爆架。（試過一晚被安排喺厠所隔離 d 床格，厠所可能係虹吸式，夜晚一有人沖厠，水聲嘈到拆天，當晚全屋冇河馬聲，但係畀沖厠聲嘈到成晚冇覺好瞓」。
「帶耳塞瞓」
但有網民苦訴：「其他人啲鼻鼾聲簡直就係惡夢」、「鼻鼾聲 + 成晚都有人執行李，真係好嘈，特別 D 鼻鼾聲最難頂」。有網民建議：「帶耳塞瞓」、「同瞓網吧差唔多，網吧平啲重有嘢睇，一支公去除非網吧無房，次選先揀膠囊！」、「睇個人，有啲好醒瞓嘅人一定唔啱住，始終成個 room 咁多人，作息時間都唔一樣，實有聲」。
樓主回應：「唸住平平地試下，咁嘈都係算」。
【精選消息】
【精選消息】
Source：香港討論區