新加坡是港人出差、短線旅遊熱點之一。市面上充斥著各式各樣的「無限上網卡」，許多其實都有FUP，一旦超過指定用量就會降速，讓人掃興。小編日前快閃新加坡，試玩一款號稱「無限全速數據」的SIM卡，又睇睇$28玩5日真唔真！？
即刻按此，用 App 睇更多產品開箱影片
小編又再突然Plan個快閃遊，用嘅係KKDAY買「自由鳥 Birdie 電話卡｜5日亞洲無限數據外遊數據卡｜全線香港OK便利店即時自取/免郵寄送」，$28有5日「無限數據」，適用於印尼/台灣/馬來西亞/新加坡/澳門。（p.s. 小編呢張 SIM 係上次快閃台灣用完 2 日，今次再用多 2 日）
如果買新卡，都係喺KKDAY買完後，會經email收到一個redeem Code，可以去Birdie自由鳥官網買「亞洲推介」SIM，官網標5日$75，套用個redeem Code後就可以減返$75，即係$0直接埋單。可以揀實體SIM，免費平郵/Circle K即時拎，又或者好似小編咁揀eSIM都得。
另外，最吸引嘅係，官網標住2025年2月10日或之前出發去台灣、新加坡、馬來西亞及印尼，即享數據全日任用不限速！不過優惠期完後，就會回復返500MB後限速128kbps；另外要留意澳門冇呢個全日任用不限速優惠。
Speedtest實試不限速
抵步後，在新加坡用並無需實名登記，即插即用。SIM卡會自動連接M1 4G網絡。小編在多個地點進行實測，可按圖放大。
小編在2日旅程，第 2 日（1月26日）用7GB以上，實證也沒有被限速。在牛車水街市、老巴剎美食廣場、濱海灣金沙酒店、Downtown Core州立公園、新加坡樟宜國際機場T3也有數十Mbps的網速；魚尾獅公園更測出超過100Mbps，表現相當不錯！
另外值得一提的是，Birdie自由鳥的5日卡，也毋須連續使用，上次台北用完2日，今次新加坡再用2日，仲有1日可以下次用（買卡起180日有效）。不過要提提大家，2025年2月10日後就可能回復返500MB後限128kbps。
【延伸閱讀】
Source：ezone.hk