一個新冠肺炎疫情，令全球經濟飽受挑戰。在香港，究竟搵幾多錢收入，才算是「中產」、「有錢」又或者可叫真正成為上流社會的人？有網民日前在連登討論區，以「月入過五萬既你，有冇覺得好難再向上流」為題，引起熱烈討論。
- 有網民表示月入 5 萬也很難再向上流
- 其他網民均表示認同
- 若要搵錢，大多表示要自己做生意
樓主表示：「打工再升最多都係多幾萬蚊，做唔到 d 咩野，每日就係起到諗點先可以發達。炒肢又蝕手，買樓又供到死，打工又餓唔死租樓住生活到，但永遠都好似差咁 d 野」。有網民紛回應表示認同，有亦有網民指「4 萬頭已有呢個感覺」。有人就表示源於「唔知足」：「其實都係源於唔知足，有層樓，每個月淨返一萬幾千算係咁，仲強求啲咩呢？」
在帖子中，不難找到一些月入 5 至 10 萬的網民在分享，例如：
「兩公婆一個醫護人員一個做半政府機構，夾埋稅後月入十萬左右，生活習慣左簡單，住間平平哋嘅舊樓，投資都係長揸幾隻公用藍籌，揸下舊車去下旅行咁。可能比上司覺得不思進取，但係一家人開心就得。」
「情況一樣，兩公婆加埋有十皮一個月，好似同搵六皮嗰陣一樣，想養車又覺得貴，又冇錢買多層樓。」
「搵 6 萬幾一個月，但就有種高不成低不就嘅感覺。就算再努力升職，人工同付出比例唔成正比，根本就唔值得咁付出，而且又唔一定升到。」
另外，有很多網民就表示，要搵大錢，離不開「錢搵錢」做生意，如自己開舖頭，又或者投資等等。事實上，月入 5 萬以上，在香港而言已超出入息中位數一大截（政府統計處發表 2019 年第四季的《綜合住戶統計調查按季統計報告》的結果，香港僱員每月就業收入中位數為 19,000 元），所以樓主出帖，都引來網民「葡萄」，有網民直言：「搵得萬幾加入唔到討論。」
【其他報道】
【其他報道】
Source：連登討論區