香港地人人都想置業，更要慳盡一分一毫來儲首期。不過滿以為做業主會好開心，有人妻就在討論區中，指自己付出首期成為業主後感到傍徨，心理壓力爆煲，又怕無咗份工，更問「做業主真係咁開心？」
- 樓主在討論區指自己花盡積蓄畀首期買樓
- 計過供樓供到 70 歲，又怕自己失業，坦言壓力大
- 不少網民叫樓主毋須畀太大壓力自己
樓主以「做業主真係咁開心？」為題，在討論區中大呻自己做業主後，心理壓力大增。樓主指自己與丈夫租樓多年，在「無父幹」的情況，加上人工亦唔高，但終於能夠勉強上車，花盡畢生積蓄買入 30 年樓齡 300 多呎的舊居屋。由於用盡身家付首期置業，計算後要供樓供到 70 歲，因而大嘆「最好 60 歲後一個文員仔唔好畀人抄，否則我都諗唔到點算。」樓主指已沒有任何積蓄，又擔心工作不穩，加上買樓後家中出現滲漏等小問題，又要花錢維修，搞到心理壓力好大，還發覺自己有少許焦慮症。
其他網民見狀，都留言勸樓主毋須畀自己太大壓力，又指儲番 2 年錢，有積蓄就不會再有傍徨感覺；更有網民留言「早買早享受」，愈早上車愈好，又謂「過多幾年，見到自己呢番留言諗埋呢啲會好傻。」有網民指他日望住樓價升，就會覺得其實租樓好蠢；亦有網民謂到時真係供唔到，咪賣樓套現，毋須太過擔心。
【其他報道】中國土豪母子擲「金元寶」買樓 霸氣嚇得經紀不敢收？【下一頁】
【其他報道】深水埗新樓盤弦雅驚現「特色戶」奇則 買一房單位竟送「分離式」平台【下一頁】
想睇盡全城最 Hit 科技生活影片，請即【按此】瀏覽同埋 subscribe ezone.hk 嘅 YouTube channel。
Source：discuss.com.hk