香港雖然地方不大，但是跨區上班的打工仔仍然為數不少，當中所花的交通時間更被不少人笑指「可以飛返轉台灣」。近日，一名居於港島東的網民在 Facebook 群組內發文，稱自己於灣仔區上班，因覺得屯門區內有大商場和就近西鐵站而有意搬入該區，不過擔心交通問題而發帖詢問一眾網民意見。大多數網民均認為屯門與灣仔距離太遠，認為事主如決定搬屋的話，要做好每日花費近 3 小時在交通上的心理準備。
- 有居於港島東的網民表示自己有意搬入屯門區
- 就交通問題詢問一眾網民意見
- 大多網民提醒事主如真要搬入屯門的話，需要有多花 3 小時在交通上的心理準備
該名男網民在 Facebook 群組上表示自己有意在屯門市中心置業，自己則在灣仔區上班，屬「朝 9 晚 6」的打工仔，現居於港島東筲箕灣。不過由於自己早前看上的心儀的單位在屯門市中心，他表示由於單位樓下已有大型商場和街市，加上地點又鄰近西鐵站，所以有意從筲箕灣搬到屯門。不過久聞屯門的交通不方便，所以特地發帖就交通問題詢問當地街坊，「想問吓各位屯公係咪真係日日塞？返工放工都塞？我應該搭西鐵穩陣啲 ... 對嗎」？
樓主的帖文一出，隨即引來大量網民熱論，不少人坦言屯門公路塞車情況嚴重，加上樓主於灣仔上班，每日光花在交通的時間也至少要 2-3 小時，「你沒聽過一入屯門深似海咩，施主」、「屯赤通咗後市中心至皇珠路上橋而家日日塞，比以往要用多十分鐘！」、「住咗屯門後，塞 30 分鐘內我唔當係塞車了」、「理論上屯門去灣仔快過上水去大陸惠州兩至三分鐘」、「真心，有能力唔好諗，去泰國快過出旺角，你睇吓，而家返入去又塞」。
不過同時有網民亦指，香港基本上每一區上下班時間也有塞車的情況，「坐西鐵又要南昌或者美孚轉車，我就日日都係坐巴士去中環，可能我早出門口，坐七點車去到中環經常八點都未夠，重可以坐底慢食個早餐～」、「其實有邊區唔塞？吐露港、香港仔、龍翔道、將軍澳咪又係塞。」、「香港嘅塞車問題就基本上道道都有，自求多福啦！」強調認為「屯門係好住嘅」！
【相關報道】結婚日狂收老闆奪命追魂 Call 打工仔決定辭職轉工【下一頁】
【相關報道】【打工仔辛酸】老闆不滿員工半夜突辭職 竟用硬幣出糧羞辱對方【下一頁】
想睇盡全城最 Hit 科技生活影片，請即【按此】瀏覽同埋 subscribe ezone.hk 嘅 YouTube channel
Source：Facebook @ 屯門公路塞車關注組