相信香港不少家庭也有聘請外傭，幫忙照顧小孩、打理家務，不過每個人對整潔的準則不一，或許外傭所做的清潔工作未能達到僱主要求。近日有網民則在 Facebook 群組上大呻外傭所做的清潔工作「多甩漏」，大呻每次自己執屋時，也要為其「執手尾」，認為外傭並無用心工作，引來大量僱主認同。
- 香港不少家庭也有聘請外傭幫忙照顧小孩，打理家務
- 每個人對整潔的準則不一，外傭所做的清潔工作未能達到僱主要求
- 僱主在網上大呻外傭工作多「甩漏」，自己需為其「執手尾」
一名僱主在 Facebook 群組上以「每次自己執屋，就會見到依啲場面」為題，大呻即使已經聘請外傭分擔其家務，但自己收拾家裡時也會發現對方的清潔工作極多「甩漏」。她表示自己收拾雪櫃時發現內裡有發霉的食物、沒有擦乾淨的食物瓶子、沒有包裝好的麵包等各種問題，但前提是外傭明明於上周六（8 日）才表示自己已清潔完雪櫃和廚房，而且樓主更目睹外傭有將雪櫃內的所有東西搬出來清潔，但自己翌日再檢查的時候仍發現太多「甩漏」，總結出外傭「即係佢係有做，不過唔用心做」。
帖文一出不足 2 小時，已經引來大量身同感受的僱主網民留言，「一樣，總之每個休息日都最好自己巡下間屋，包你驚喜處處」、「係唔可以靠哂佢地架，要經常檢查的，尤其是有小朋友的食物和食具」、「我試過壽司變咗標本添啦」、「差唔多啦，每次我姊姊放假，我自己都要做餐死，佢哋成日開水喉，都唔知做咩」、「姐姐做清潔係咁上下， 好普遍。 筷子筒， 晾乾碗碟既架， 或者唔係日日用既碗碟， 你去睇下都會有新發現架！」、「天下烏鴉一樣黑」。同時有網民「教路」，「如果我有唔滿意嘅情況，我會自己做一次，有野唔同咗，佢地應該會知。」、「我會拎住樣野，同佢講已經發毛，下次 check 晒所有野，每次發現，每次講，講到佢厭為止」。
【相關報道】外傭以「姐姐式拼音」寫購物清單予僱主 超勁網民猜中清單內容【下一頁】
【相關報道】【外傭短缺】外傭暗示加人工至＄13000 港媽呻無奈引一眾僱主吐苦水【下一頁】
即刻用 App 睇更多產品開箱科技影片＞ http://bit.ly/ezfb-tv
Source：Facebook @ 外傭僱主必看新聞訊息