淘寶上有各式各樣的電子產品出售，有網民近日在淘寶上購入五合一 USB Hub，打算將外置 HDD 轉插到 iPad，結果一插便燒硬碟底板，更表示「hard disk 已死救唔返」，認為此次購物為「買過極度中伏嘅嘢」，提醒其他網民不要購買類似產品「希望提提大家唔好好似我咁不幸」。
- 網民近日在淘寶上購入五合一 USB Hub
- 將外置硬碟透過 USB Hub 插至 iPad 使用，卻「一插即燒」
- 事主心痛表示 hard disk 入面所有重要資料都無晒
事主在 Facebook 群組中以「買過極度中伏嘅嘢，希望提提大家唔好好似我咁不幸」為題，分享自己早前在淘寶上購買一個 USB Hub ，打算用分插器將外置硬碟轉插至 iPad 使用。誰料一插便導致硬碟底板「燒咗」，大呻「現在 hard disk 已死救唔返，入面所有重要資料都無晒」。當他向賣家申請退款時，對方還要求自行支付退貨的運費，事主不願意的話，賣家只會「再寄多舊中伏嘢畀我」。所以事主深受教訓地發帖，奉勸大家唔好試！
帖文一出，引來不少網民留言，有網民表示自己也有在淘寶上購買過不同牌子但同款商品，並未遇到像樓主一樣的問題，「沒試過出問題」。不過，同時也有網民教路「Hard disk 耗電大，不應插 USB hub」、「電腦嘢都係香港買返有品牌有保證啲」、「唔係喎，你插 iPad，iPad 應該唔夠電力推 hard disk，如果 Hard disk 寫緊嘢先腳軟，係會炒㗎。我手機駁 hard disk 係手機先駁帶電 usb hub 然後再駁 hard disk 㗎！」
【相關報道】淘寶訂製 MIRROR 手環中伏？以中英口語落單「鏡粉」認擺烏龍【下一頁】
【相關報道】網購 iPhone 12「中伏」 驚覺手機 IMEI 已於去年登記【下一頁】
即刻用 App 睇更多產品開箱科技影片＞ http://bit.ly/ezfb-tv