現時市面上越來越多電動車，相信不少車主在選購新車時，都會將電動車納入考慮之列。不過，由於機械結構性的不同，相信有意入手電動車的人士，都會擔心維修保養的問題，特別是維修費會否更高。今次 ezone.hk 記者就聯同香港科技商會榮譽會長方保僑，一起到平治的售後服務中心探個究竟。
今次我們帶大家走到平治位於柴灣的售後服務中心，請來仁孚行售後服務總監 Jerry Zeng，為大家解答一些關於電動車維修的疑問，以至是坊間流傳的電動車保養迷思，並會走訪最神秘的廠方維修中心，將正規的電動車保養流程公開。
↓↓↓電動車維修保養大揭秘 直擊平治售後服務中心↓↓↓
即刻【按此】，用 App 睇更多產品開箱影片
Q1. 最多人返廠遇倒嘅問題係？
A1. 好多車主都係第一次揸純電動車，對電動車嘅零件同運作比較陌生。其中一啲情況，好似車主喺充電期間有時會聽到部車發出好大嘅風扇聲，以為係機件有故障。其實，係電池管理系統需要透過風扇去降低電池溫度，令電池維持最佳運作溫度；所以車主聽到嘅風扇聲係正常情況，特別喺天氣較熱嘅日子。我哋嘅同事會仔細同車主解釋清楚情況，令車主更安心。
另一個常見嘅問題係：每位車主充電至100%下的續航里數都唔一樣。原因係行車電腦會透過車主嘅駕駛習慣而推測續航距離，而實際的交通情況、天氣、行駛路線和駕駛情況都會影響續航距離。所以在完全充滿電嘅情況下，每架電動車嘅續航距離都可能會有差別。
Q2. 如果發生意外時斷電，電動門鎖點開黎逃生？
A2. 斷電狀態下機械門鎖亦能正常運作及開啟，而SRS 安全系統與中央鎖相互聯繫：在事故發生後鎖定的車門亦會自動解鎖，方便救援。
Q3. 電動車的壽命同一般油車有無分別？電池的壽命又如何？
A3. 電動車與燃油車，雖然在外觀上十分相似，但核心的動力部份卻截然不同，若果說引擎是燃油車的最重要部件，電池就是電動車的核心之處。平治對旗下電動車嘅電池充滿信心，我哋提供最少八年或160,000公里保用，同時亦令車主揸得安心。
Q4. 充電時有無要注意的地方？快充會唔會影響電池壽命？
A4. 以下因素會加速高壓電池的老化：
● 經常給高壓電池充滿電（充電水平 100%）> 廠方建議電池容量儲於30% 至70%
● 頻繁使用直流電快速充電
● 讓車輛在高溫環境下長時間閒置
Q5. 有沒有辦法提高續航力？
A5. 以下三種方法， 均可提高電動車嘅續航力：
● 啟用ECO輔助功能 > 此駕駛模式下，車輛會因應路面情況有效地加大「能源再生」效果，並消耗更少的能量，從而提高車輛續航力
● 可以透過提高能源回收力度，將煞車或減速時的動能回收並轉為電力，進一步提高續航力
● 適當使用車上電器，例如天氣無咁熱既時候，將冷氣調較去合適溫度
● 定期保養車輛，以保車輛零件處於最佳狀態
Q6. 冬天係咪真係會影響性能和續航里程？
A6. 高壓電池的功率輸出可能會因室外溫度過高或低影響，但香港的冬天溫度亦未達到極端低溫，所以電池既表現亦冇重大影響。
Q7. 電動車保養成本是否比汽油車平，有沒有明顯分別之處？
A7. 電動車保養成本一般來說是比汽油車低，因為電動車毋須消耗傳統機油及更換火嘴，油隔等，保養相對方便。由於電動車牽涉高壓電池及多個電腦系統，所以一般坊間維修中心都未必擁有乎合廠方標準嘅維修人員、合適的維修配套及最新嘅電腦資料去做電動車嘅保養及維修。我哋都會建議車主將電動車交俾品牌嘅特許維修中心保養。
Q8.電動車特別容易養曱甴？
A8. 電動車的質量亦非常重要，一般情況下昆蟲係唔會進入到車廂。而平治對其下產品嘅質量非常重視，你所提及的情況在平治產品中從來未發生過。
【熱門報道】
【熱門報道】
Source : ezone.hk