廉航及高鐵遊興起，越來越多朋友，一趁weekend或連假就去一趟小旅行。小編在淘寶入手一個適合短trip用的20吋抵玩行李喼，只係￥108（約 HK$120），特別有埋USB充電頭。ezone.hk今次開箱實測，經歷4日旅程、2程航班寄倉，到底咁平有無伏？睇埋落去啦。
淘寶呢款行李喼，有標準的防刮耐磨版 ￥88（約 HK$97.6）及今次小編揀嘅加厚款升级版USB接口＋杯架+側站腳掛鈎版 ￥108（約 HK$120）。平價喼其實無預大家寄倉，膠殼物料的邊緣，並未有加入金屬加固，但由於小編有攜帶超過 100ml 液體，故須把行李寄倉，幸好經歷去程、回程也沒有爆開或解體。
即刻【按此】，用 App 睇更多產品開箱影片
特別的是它設有 USB 接口，其實是USB延伸功能，用戶要預先在喼內放置充電器，接上喼內的USB線，便能讓喼上的USB提供電力，讓大家在旅途中更方便地充電。
【精選消息】
↓點擊圖片放大↓
不過經ezone.hk測試，在行李喼的USB充電，並沒有提供Quick Charge功能，充電緩慢。值得注意的是，它也不設TSA鎖，若到訪部分國家並作為寄倉行李時，遇海關檢查便可能會被強行「爆鎖」。
【精選消息】
Source：ezone.hk