人生最幸福的事情，莫過於「成功需父幹」，代表人物之一的蔡加讚，一生吃好住好又抱得美人歸，說是人生贏家絕不為過。沒錯市面上是有不少「成功需父幹」的例子，尤其有關新樓盤開賣的報道就必有相應例子，不過未必所有「成功需父幹」的個案都是美好收場。最新網上討論區就有一個名為「父幹的悲劇下場！（真人真事已發生）」的 post，樓主提到認識 10 年的好友（下稱「大哥」），在 2011 年靠父幹付首期買樓上車，並於 2014 年又喜誕麟兒，本應生活美滿，也因為希望小朋友有更大居住空間，所以近日有換樓打算。可是弟弟近來也準備結婚，父親就希望大哥可以賣樓，將部份資金幫助弟弟做首期買樓。如是者，大哥當然左右做人難，而樓主作為知心友，就希望藉此 post 問全能網民應該怎算好？
【精選消息】
【精選消息】
父幹要小心
樓主也補充，「我朋友話老竇仲忍唔住喊，打電話嚟話自己當年俾首期，層樓有份俾錢，希望朋友而家可以賣樓幫下弟弟。而家我朋友唔知點算，佢自己開始心軟想幫弟弟，話晒而家層樓老豆有份，可惜老婆又唔俾，唔想朋友賣樓分錢（層樓係兩公婆聯名）。本來一個好 close 嘅 family（以前成日全家旅行），就係因為咁，搞到反晒面」，並建議眾人：「其實父幹要小心，一係就幫晒所有仔女，如果幫一個，唔幫另一個，第時就發生我朋友嘅問題」。
大哥無諗住還錢？
不過有網民反指事件「唔係父幹悲劇，係樓主朋友唔想還錢先做成悲劇」，因為這位網友看穿了大哥「由頭到尾都係無諗住還錢」，並解釋說明之：「理論上，要還錢，係老頭借畀佢嘅首期加上利息，唔需要計埋樓價。因為樓價可升可跌，大哥自己承擔。而大哥如果有積蓄，就應該還錢，唔夠還，就加按，再還錢。」。另外也有網民指出大哥自私到無朋友：「阿哥本身都係靠老竇先上到樓，2011 年到 2017 年升咗幾多，夠嘔返首期出嚟畀返老竇有突啦。咩唔想樓換樓唔夠錢分畀細佬，根本就係自私到極點，冇多餘錢換咩樓呀？」
【精選消息】
【精選消息】
解決辦法多
其實不少網民認為以上事件有眾多解決辦法，例如「畀返當年一半首期錢細佬」、「將大哥層樓加按，再畀錢細佬做首期」、「將老竇住緊間屋轉一半畀細佬，再立遺矚，他日老竇離世就畀埋另一半細佬」等，但網民推算大哥、大嫂如此自私的性格，相信以上方案都不會接受，因此希望樓主可以勸戒大哥：「如果大哥兩公婆收咗錢一個仙都唔肯拎返出黎，第日你兩公婆有咩事唔好怨無人幫」、「個家就碎咗，你自己因 X 住有報應」！
精選網民留言：
「冇辦法，始終受咗首期。一係將賣樓所賺嘅錢依當初首期比例分返份畀細佬，自己做按揭做多啲再供過囉，唔係點搞？」
「阿哥本身都係靠老竇先上到樓，2011 年到 2017 年升咗幾多，夠嘔返首期出嚟畀返老竇有突啦。咩唔想樓換樓唔夠錢分畀細佬，根本就係自私到極點，冇多餘錢換咩樓呀？」
「由頭到尾都係無諗住還錢」
「將大哥層樓加按，再畀錢細佬做首期」
「父幹冇問題，只係幹得唔夠勁，幹唔到兩兄弟，一係就兩個都唔好幹」
「邊有你啲咁 X 自私嘅大佬㗎，個老婆仲 Hi Hi，層樓你老竇有份，叫你賣咗佢拎返份出嚟好 X 應該，你啲咁嘅自私 X ，到你個仔大咗都唔會理你」
「如果大哥兩公婆收咗錢一個仙都唔肯拎返出黎，第日你兩公婆有咩事唔好怨無人幫」
「你老竇借左個首期畀你，要還㗎」
「依家賣樓都無用，傷害已經無法修補」
「家下係老竇叫大佬還錢，爭人錢欠債仲諗乜大屋同小朋友空間，自己生活穩定就唔想還債，正一自私兩公婆。唔一筆過咪月供還錢俾老竇。」
Source: hkgolden