拼多多疑似靜靜雞修改香港集運政策。拼多多變「提多多」？近日，本港各大網上討論區都有用家討論，稱該平台由平時「手動」變為「自動合單」直接逐件貨品集運到港，令一眾用家無奈「自動轉運到香港，變咗一件一件咁到自提點」。
拼多多變「提多多」？香港集運政策突變
最近，有市民在網上討論區發文指，網購平台「拼多多」近期突然更改香港集運政策，由以往「手動」改為「自動合單」集運到香港，導致買家的取貨時間陷入混亂，更被形容變成「提多多」。不少用家被逼多次於指定時間及自取點取貨，大感無奈。
港客抱怨：變咗一件一件咁到自提點
有市民留言表示：「發現有部份貨，到咗集運倉之後自動轉運到香港，變咗一件一件咁到自提點，暫時有兩樣嘢，佢根本冇拼埋一齊，搞到已去左兩輪」、「突然改了玩法 ，十幾件去咗另外一個自提點 ，步行過去要25分鐘，好彩有車揸車過去攞」。
▼港客分享取貨經歷▼
拼多多集運自動變合併訂單 直接轉運至香港自取點
有人就表示，平時購買貨物時可以揀「集運」選項，再於「選擇配送類型」揀選送貨的集運自取點或自提櫃。然而，有網民就報告最新情況，「暫時我想買既野，都係話自動集運，好似冇得揀手動」、「佢而家係揀都冇得揀，件貨去到集運倉後，冇顯示集運按鈕，之前係有個紅色集運俾你撳㗎嘛，而家係直接自己轉嚟香港自提點」，又指「一卷膠紙，一個掃把頭，佢完全冇幫我拼埋一齊，我分咗兩次去拎」，又戲稱「拼多多變咗提多多」。
▼手動變「自動合單」集運▼
拼多多官方客服：香港集運模式逐步優化中
有用家就上述情況向拼多多官方客服作出諮詢，獲回覆指「香港集運模式逐步優化中，後續也無需你手動合包」。用家無奈表示：「而家我買咗8樣嘢，希望唔使去8次。」
▼拼多多客服回覆▼
網民猜測平台不願堆積過多貨量 部份用家稱影響不算大
帖文亦引起其他網民熱議並紛紛猜測：「我估平台，唔想積埋太多單，或者太重，所以按佢哋標準，到標準便合埋一齊發貨」、「免運費嚟香港，佢都要確保公司運作順利」、「其實變咗買少咗野，幫自己慳錢」；不過都有部分網民認為「其實而家唔使煩，免運已經抵到爛，不過如果要去旅行幾日，要記著預返十日八日唔好買嘢」、「我覺得自動合包影響唔算大，送錯自提點都可以經客服改返，暫時都好順利」。
資料及圖片來源：Baby Kingdom討論區、Facebook@拼多多開心share 分享群
即刻【按此】，用 App 睇更多產品開箱影片
【熱門報道】
Source：hk.ulifestyle.com.hk
六合彩頭獎$1.28億神秘規律！驚揭2個號碼成中獎關鍵
六合彩新年金多寶頭獎自上周四（1月2日）起攪珠，不過繼續無人中， 至本周四（1月7日）攪珠後終於有人贏走彩金！攪出號碼為：8、13、18、23、31、47；特別號碼16。昨晚六合彩$1.28億頭獎2注中，每注派逾$6,900萬元；二獎14注中，每注派逾$84萬元；三獎651.5注中，每注派逾$4.8萬元。
然而六合彩至今已有50年歷史，惟每注派彩從未突破億元大關。根據馬會紀錄，目前六合彩最高派彩紀錄為2021年8月26日（第73期），當時有幸運兒以10元一注獨中高達$9,124萬元派彩。但今次中頭獎金額同樣可觀，不少市民都好奇哪位幸運兒中頭獎？
網傳警務人員中頭獎 $6900萬馬會戶口截圖瘋傳
有網民在社交平台上在今日（1月8日）早上約11時發帖分享，指「朋友尋晚中咗六合彩頭獎六千幾萬，真開心」，並附上一張馬會戶口截圖照片，顯示該戶口結餘為$69,034,076，與今期中頭獎派彩金額吻合。據指，今次中頭獎的幸運兒為水警。帖文引起熱議，有網民留言質疑真偽，亦有人笑言「你朋友做水警？」、「可以開始部署點拐笠呢個friend」、「還是朋友嗎？」
網民揭六合彩頭獎神秘規律 2個號碼是中獎關鍵？
另外有網民在周四晚開彩時，發現六合彩頭獎的一組神秘規律，更驚揭2個號碼疑是中獎關鍵。
有關發現惹來大批網民驚訝：「開心大發現」、「即係重點係5同8」、「你係個天才！」、「犀利咁都畀你揾到規律」、「這次的六合彩都幾特別，真的有人Win？咁嘅巧合？」有網民就大嘆「好邪」，笑指下次買六合彩要用計數機。不過有網民就覺得，即使成功找出規律，也難以中獎：「就算係畀你知道8同5係關鍵，你可以點做？8，16，24，32，40，48；5，10，15，20，25，30，35，40，45；13，18，23，28，33，38，42，47；13，21，29，37，45；23，31，39，46，隨便諗都已經諗到咁多數字，仲要可以再加落去，你有冇本金拖」？
資料及圖片來源：Threads、小紅書
網民分享預測六合彩攪珠號碼方法
坊間有不少買六合彩貼士及投注技巧，務求以最低成本爭取最多機會，Facebook群組「齊齊研究六合彩！」的管理員近日再分享預測六合彩攪珠號碼的方法，管理員取名為「范氏圖表」。提提大家，雖然「范氏圖表」與「江恩螺旋四方圖」的表格一樣是7x7，不過排列次序有所不同，參考時切勿混淆。祝大家好運！
「范氏圖表」介紹
這款「范氏圖表」是由熱衷鑽研六合彩的網民，參考中國著名的「九宮洛書盤」變化而來，研究者將原來的3x3 九宮格擴大至7x7 四十九宮格，用戶可以選定一個「重心號碼」，再直橫斜放射出去，即可預測下期號碼。（按圖睇排列方法）
「范氏圖表」使用方法
來源：Facebook
六合彩$440食全餐大法 網民1招低成本買齊49個號碼