隨00後新一代年輕人踏入職場，網上愈來愈多人議論他們的工作態度。日前，有打工仔於討論區發文，列出3點例證，並詢問一眾網友「覺唔覺得00後踏入職場後做咗好多80 90後唔敢做嘅嘢？」相關帖文引發正反評論，有人認為00後做法正確，「而家賣命咩」，但亦有網友看不過眼，並笑言「好快收信㗎啦」。
港人3點力證「00後整頓職場」
最近，有打工仔於「LIHKG討論區」發文，認為00後踏入職場後，做了80後、90後都不敢做的事情，並在文中列出3大例子，表示00後是在整頓職場，改善職場文化。
▼打工仔列3點力證「00後整頓職場」▼
網友力撐00後做法合情合理稱「準時收工係美德」
帖文曝光後，短短一日已有過百回覆，網友意見正反兩極，但大多數人都認為00後「做得好」，「準時收工係美德」、「根本合情合理，唔知點解會變成有膽先敢做」、「有咩問題？而家賣命咩」，亦有80後、90後網友表示一直都有這樣做，並諷刺樓主奴性太高，才看不到別人一直在整頓職場，「你見唔到只係因為物以類聚，自己檢討吓點解比人調教到咁奴性」、「依3樣一直都做緊（90後）係睇你夠唔夠膽姐」。
部分網友批00後「唔捱得」
有網友則認為不存在「00後整頓職場」說法，00後之所以勇於表達自己的觀點，只不過是「初生之犢不畏虎」，加上生活壓力相對較少。但隨著時間推移，他們總會如同80後、90後逐漸成熟，慢慢學會妥協。此外，有網友認為新一代年輕人「唔捱得」，紛紛笑稱「好快收信㗎啦」。
來源：LIHKG討論區
即刻【按此】，用 App 睇更多產品開箱影片
【熱門報道】
Source：hk.ulifestyle.com.hk
00後返工一個月犯晒所有職場大忌！打工仔列7大罪狀
千禧一代陸續投身職場，網上卻出現不少「呢班後生仔好難頂」、「00後不思進取」的帖文，其工作表現備受一眾網民關注！早前再有打工仔發文抱怨，稱公司請來一名00後同事，沒想到對方返工不到一個月，已經犯下所有職場大忌？
網友感疑惑：個個都頂唔順仲唔即炒
帖文引發討論，但不少網友看後感到疑惑，紛紛追問「真係你講既咁，淨係遲到已經炒得」、「咁炒左未」、「個個都頂唔順，又未過試用仲唔即炒？快手止蝕請過個仲好啦」；亦有網友猜測這位00後同事的真實身分，「咁要問返HR當初揀佢的原因」、「佢係皇親國戚」？
樓主透露1原因無得即時解僱？
而樓主亦有回覆，指公司是以月薪$22,000聘請該名00後同事，由於是1年合約制，故沒有試用期。原以為請人後可以幫助團隊減少工作量，結果00後同事的到來卻是百害而無一利，「蠢同冇能力仲唔夠，浪費我地時間喎，寧願佢唔做野坐喺度玩電話」 。
網友替00後同事抱不平：一入行就識飛？
亦有網友替00後同事抱不平，指對方只不過是新入職一個月，工作不上手，最多只是能力不足，卻被樓主歪曲為犯下所有職場大忌，未免言之過重，「都係蠢同無能力啫，講到咩職場大忌咁巴閉」、「樓主隻老屎忽係度要求00後一入行就識飛，係咪後生比人鬧到傻」。
延伸閱讀：00後返工一個月犯晒所有職場大忌！打工仔列7大罪狀：個個都頂佢唔順
港人發文力斥00後工作態度「不知所謂」
隨著老一輩退休後，近年陸續有00後年輕人投身職場，卻瞬即被人貼上「工作態度求其是但」、「抗壓性勁差」等負面標籤，甚至有不少人在網上發文直指00後的工作心態很有問題。早前更有港人在討論區上力數00後7大常見特徵，力勸公司HR不要「貪平人工」而聘請。