AEON超市為方便顧客，設有免費冰粒及冷凍儲物櫃暫存服務，以便於購物後不必急著回家。然而，最近有市民在社交平台上發文抱怨，指儲物櫃增設了「祇可擺放4個鐘」的時間限制，質疑這是否足夠。該帖文引發網民熱烈討論，許多網友批評此政策，直言「當人地係私家倉庫咁用？」
即刻【按此】，用 App 睇更多產品開箱影片
街坊批評AEON新措施擾民：冷藏櫃僅4小時是否足夠？
近日有網民在Facebook群組「ARON Stores關注組」發文，批評康怡廣場的AEON STYLE新措施擾民，她質疑「冷藏櫃服務，祇可擺放4個鐘，是否足夠？」為方便購買冷藏食品的顧客，AEON提供免費冰粒及冷凍儲物櫃，凡於店內購物後，即可借用冷凍儲物櫃暫存新鮮食品或需冷凍的貨品，讓顧客可以輕鬆地繼續享受購物樂趣。
AEON 9大客戶服務
網民：有得暫存已經係Bonus
估計AEON留意到有儲物櫃遭長時間佔用，為公平及合理使用原則，推出限時租用的新措施。帖文引來網民熱議，不少網民反駁樓主時間不充裕的指控，「暫放！講講你『暫』嘅定義應該係幾耐？就算買完比你食埋個飯暫放4小時已經好足夠喎！」、「4個鐘超級多啦，暫放咋，你放過夜？」、「Aeon 咁細，唔洗4個鐘都行晒啦。」有人則建議樓主及家庭成員，可以留待完成其他事項或下班後再去購物。
同時有顧客表示「怪不得冷藏櫃經常沒有位，原來真係有人由日放到夜。我好多次都因買完冇得雪，要搭車拎返屋企先然後再去買過其他」、「其他區好似得2小時，唔公平呀」、「好明顯有人玩爛。」亦有人寸爆留言「你想冷藏啲乜嘢要擺咁耐 ？好似破地獄入面嗰個媽咪呀？」、「應該比你長放 你要煮嗰樣先打電話叫佢幫你解凍 你再落去攞啦嘛 咁都唔識做生意」、「有得用 用到盡 到頭黎大家都無得用。」
原文：港生活