近日，有港女在社交平台分享一段影片，指早前搭巴士時遇上一名老婦堅持以2元現金支付車資，導致巴士停駛。片中可見，老婦一身名牌行頭，以一口「半鹹淡」廣東話與多位乘客發生口角，態度相當強硬。
老婦堅持僅付$2車資致巴士停駛
女事主在Threads分享一段長23秒的影片，表示日前乘搭巴士，遇上一名無理取鬧的老婦。當時，老婦長者八達通餘額不足，卻堅持只以2元現金支付車資，結果導致巴士停駛，過程中更與多名乘客爆發爭執...
▼事件經過▼
片中可聽到有一男一女疑似是巴士乘客，正質問該名老婦「你識唔識法律架？」。而老婦則手持樂悠咭，以一口「半鹹淡」廣東話與其他乘客理論，反駁道：「你係邊個？」、「我嚟嗰時就係2元 （乘車），我唔識囉」、「你唔係巴士公司的人，唔好講」。事主表示，後來巴士車長更要停車與老婦理論一番，對此，她忍不住怒斥：「香港地勝在有太多呢啲（老人家），搞到我返工遲到，八達通冇錢就俾全價啦，仲俾兩蚊，依家全世界就因為你個X頭開唔到車！」
必須使用樂悠咭才可享$2乘車優惠
樂悠咭是專為60歲或以上香港居民而設的全新租用版個人八達通，讓持有人可以享用每程2元的乘車優惠，包括港鐵、巴士、綠色小巴、紅色小巴、街渡等。值得注意的是，持有人必須使用樂悠咭才可享$2乘車優惠。
延伸閱讀：樂悠咭申請詳情+逾15大優惠一覽 附申請方法/所需文件/臨時辦證中心地點
網友怒斥：花2元可以打橫行？
有網友指出，「二元不是巴士公司的優惠，而是政府的補貼，但必須使用老人八達通，巴士公司才得到政府的補貼」。不少網友質疑該名老婦理虧卻態度強硬，形容她「貪小便宜仲唔守規矩」、「最憎呢啲人，阻住人返工」、「花2元可以打橫行」。也有網民則表示難以理解，「張八達通連兩蚊都冇...」、「嗰程車費好貴架？佢銀包一個崩都冇？」、「真係影衰晒通情達理嘅長者」。
▼網友留言▼
老婦一身行頭引關注
有眼利網民發現，當日老婦疑似佩戴多款名牌，包括Goyard手袋、DIOR太陽眼鏡等，一身行頭超搶眼。有網友無奈表示：「自己唔識嘢又唔聽人講，阻住全車人，孭個Goyard慳幾蚊，好難搞」，不過亦有網民質疑，既然老婦連車資也要省，身上的名牌是否真品就成疑，「會唔會係假」、「咁個Goyard 應該唔係真嘅，無必要提啦」、「邊個話畀你聽佢個Goyard一定係真㗎，你睇佢講嘢唔正就知咩料啦」。
網友：取消$2唯一出路
不少網友將矛頭指向「兩蚊乘車優惠」本身，認為制度設計存在漏洞，助長濫用行為，主張應全面檢討或取消該政策，「取消曬所有$2蚊津貼乘車優惠，呢個世界就回復正常」、「一早應該取消嗰兩蚊啦，浪費幾多納稅人嘅錢」、「取消$2唯一出路」。
有網民則感嘆，指以往很多時候都會有好心乘客出手幫助，但如今卻是直接開罵，「過往遇呢種情況，都可能會有人幫一幫個阿婆增值，然後教一教阿婆，現在係直接開罵」。不過亦有網友認為，問題出在當事人的態度，「佢態度有問題，點幫得落呀」、「如果個阿婆好聲好氣，我諗絕大部分人都會放過佢，問題係佢呢啲不可一世，就唔好怪人地唔客氣啦」、「成日都人情行先，咁唔駛規矩啦」。
來源：Threads
即刻【按此】，用 App 睇更多產品開箱影片
【熱門報道】
Source：hk.ulifestyle.com.hk