近日，有一名港爸在Threads上發文，表示日前在便利店排隊購買雪糕時，無意中聽到一場對話，成功阻止了一宗點數卡騙案。
熱心港爸勸阻婆婆誤入點數卡騙局
據相關帖文所稱，事發當日，事主在7-Eleven排隊付款，前面一位婆婆正準備購買Apple Store禮品卡。店員詢問儲值金額時，婆婆毫不猶豫地表示要「入5000蚊」，手上更拿著一疊千元大鈔。店員聞言，警惕起來，再三提醒，「5000咁多？你睇清楚，入錯冇得退錢㗎喎」、「真係冇得退㗎喎」。然而，婆婆堅稱，「係呀，5000蚊」、「之前都買過喇。」
事主聽到這裡，覺得事有蹊蹺，便嘗試介入對話。他委婉地問婆婆，「打咩機入5000蚊咁威呀？」。婆婆回應指，「吓，打機？唔係呀，我啲後生話要嚟做嘢喎。」。「做嘢」一詞引起了事主疑心。他進一步追問：「咁多錢，你買俾阿仔呀？佢幾耐叫你買一次呀？」婆婆回應，「買俾鄉下啲親戚，話攞嚟做嘢㗎」。事主此時擔心直接指出婆婆受騙會引起反感，於是轉換策略，「我都有用呢啲卡呀，不過我通常入500蚊可以用幾個月㗎喎。你一次過入5000蚊咁多？你問清楚個銀碼，冇得退㗎。」婆婆卻輕描淡寫地說，「早幾個禮拜入過500。」
最終，事主直言，「而家有好多詐騙電話，扮你啲親戚打電話叫你入錢落去啲卡度，然後啲錢佢就會攞咗，退唔返呀。你搵鄉下第二個親戚，叫佢搵返你個親戚確認下買邊款卡入幾多錢先啦。」他同時提醒婆婆，如果親戚在鄉下，購買香港版的儲值卡可能無法使用。婆婆聽後才恍然大悟地表示，「哦哦，原來係噉㗎？」並迷迷糊糊地走出便利店。
網民大讚：樓主好好心
網民睇完事件經過，就紛紛留言討論事件。有網民大讚事主行為，「樓主好好心」、「功德無量呀」，也有網民驚訝，「原來而家有埋點數卡騙案」，亦有網民直言，「神仙難救無命客」。點擊下圖睇更多網民留言啦！同時，下文亦整理出近年香港常見14大電騙手法，快啲掃到下文了解更多，提防受騙。
即刻【按此】，用 App 睇更多產品開箱影片
【熱門報道】
Source：threads@pengotwins
【相關話題】破解香港14大香港常見電話騙案電訊騙局手法
香港最新電話騙案手法、自保方式｜在當今數碼化快速發展的時代，電訊詐騙手法層出不窮，令人防不勝防。為了幫助大家提高警覺，有效保護自身財產、私隱的安全，本文將深入剖析近期 14 種常見的詐騙手法，並提供詳細的應對指南。
Source：ezone.hk