近年電話騙案常有發生，無論是內地、境外或者本地都有騙徒以香港人為目標，而且手法層出不窮。除了一般白撞的騙案外，最近小編的親人就遇到能說出完整個人資料來電，而且情況相當巧合，差點就中招。
事主 Y 小姐日前到廣州出差，在回港的第二日就收到來電顯示為廣州的電話，起初她並沒有接聽，但對方連續多次致電，Y 小姐最終接聽電話，接通後所謂的廣州旅遊局職員，便以廣東話立即說出 Y 小姐全名、香港身份證號碼及出生日期，並向她確認身份，以下是對話內容。
即刻【按此】，用 App 睇更多產品開箱影片
聲稱職員：你係咪 XXX，香港身份證號碼 XXXXXXXX，出生日期 XXXX 年 X 月 X 日
Y 小姐：係，你邊個？
聲稱職員：我呢度係廣州旅遊局 XX 部門，宜家你阿哥黃國輝拎你身份證過來，開設一個商務戶口，想同你確認。 (剛好 Y 小姐亦姓黃，而且有親人名稱接近，而 Y 小姐立即查看銀包，確定身份證沒有遺失)
Y 小姐：我無授權人過黎
聲稱職員：吓，佢宜家拎住你身份證響度啊
接著，騙徒 A 搶過電話
騙徒 A：家姐，你尋日先叫我拎過黎
Y 小姐：你唔好扮嘢，死XX !$@$#$^$&&^**
騙徒 A：職員，佢話咗 OK 喇，幫我整啦
聲稱職員：小姐，你係咪確認啊？
Y 小姐：我無叫過人來啊，佢係騙徒！
聲稱職員：咁我建議你報公安
Y 小姐：你幫我報啦
聲稱職員：我呢面唔可以幫你報，建議你自己打去
Y 小姐：咁我唔理啦
聲稱職員：咁唔阻你，你自己決定吧！
在收線後，Y 小姐便致電小編，小編分析現時個人資料外洩事件常有發生，就算能說出準確個人資料，亦不是出奇的事，著 Y 小姐不要理會，並建議她可以致電 18222 防騙易查詢是否有同類個案獲得安心，而 Y 小姐亦聽從並致電。
18222 職員：你好，防騙易熱線！
Y 小姐：我剛剛收到個電話，內容是..... (上述騙徒對話)
18222 職員：呢類對話係騙案，你自己都話是騙徒，你擔心乜呢？
Y 小姐：我擔心佢用我嘅資料去做不法事情，最驚係用來借錢啊......
18222 職員：冷靜小小諗，如果咁易用到你資料借錢，佢洗乜打俾你搞咁大場大龍鳳
Y 小姐：咁又係啵
18222 職員：咁你唔洗驚啦，我地成日響網上分享案例，睇多啲就知騙徒大致上手法
Y 小姐：咁我洗唔洗報警啊
18222 職員：唔洗啦，上網留意多啲，再遇到就果斷收佢線就 OK
Source : ezone.hk
【相關報道】