近年在香港有不少餐廳已改用 QR Code 下單，操作方式不外乎是當客人入座時，侍應會給予一張印有 QR Code 的單據來掃 code 點餐，又或者把 QR Code 貼在餐桌上，直接嘟 QR Code 下單。最近在 Threads 的一個警世 post，就是跟「把 QR Code 貼在餐桌上，直接嘟 QR Code 下單」方式存在漏洞有關的。
即刻按此，用 App 睇更多產品開箱影片
餐廳 QR Code 落單竟有 Bug？
近日在 Threads 看到的一個警世 post，是樓主到葵芳新都會廣場一間泰國餐廳用餐，而該餐廳是使用「把 QR Code 貼在餐桌上，直接嘟 QR Code 下單」方式的。樓主用餐差不多完結離開之際，突然有大嬸前來問「小姐走未？」，當時她見大嬸想坐，而自己又真的就走，亦以為係職員叫其坐下，於是大嬸就坐下且 「勁快就 scan table QR Code 落單」。那時樓主沒特別為意大嬸的舉動，且吃完付款後再搭車至尖沙咀入回自己 expenditure 時，才驚覺「點解貴左咁多」，才醒起「畀呢個大嬸呃咗我錢」！即是隨後而來的大嬸跟樓主用同一 table QR Code 落單，但數就樓主找。
網友鬧樓主「食完嘢無 check 單」都有問題
樓主在 post 的最後段都提醒大家要小心，別跟其重覆犯錯，但有網友不認帳，鬧樓主「食完嘢無 check 單」都有問題，「你連個銀碼都唔睇就俾錢咁戇 X？唔係啩」、「你俾錢前唔睇單？餐廳話幾錢你 check 都唔 check 下就照俾？自己啲錢都咁唔着緊冇人幫到你」、「俾錢個時真係要對單，唔啱數就即刻出聲」。不過都有網友感謝樓主的分享，「多謝樓主分享，真係有警世作用，以後 scan 完食完先埋單嗰啲會謹慎啲對完單先俾錢」、「多謝警世，所以 QR code 落單我唔會畀人搭枱，或者等佢出飛無問題先埋單」，並提自己都有遇過類似經歷，甚至有同樣發生在葵芳，「我有一次去新都會地下食越南野都試過，成班朋友去食左 9 碗嘢，加幾碟小食同 9 杯飲品，但張單係 11 碗，之後先發現隔離檯條友個兩碗同飲品都入埋我地檯，但個兩條友冇畀錢就走咗」、「我之前同樣葵芳某餐廳，QR Code 落單 1 碟嘢 + 1 杯嘢飲，好在有 check 單習慣，見到係兩碟嘢兩杯嘢飲，即時講返，佢哋好驚訝問係咪之前條友無埋單」。
事件結局原來是這樣？
過後樓主都有在留言部分分享以上事件的結局，她提到謝謝男友找回網上落單 record，還有 time stamp 看到有餐是 1 個鐘後先落單，然後餐廳都承認是員工有問題，最終退回有關款項，並讚「餐廳好人，明白事理」，以及「希望個阿嬸只係唔明白 QR Code 運作，急住自己落單食嘢」。
【熱門報道】
【精選消息】
Source: Threads