在香港不見手機的話，基本上不少人會預自己不會失而復得，不過在這裡其實都會有好心人拾獲別人的 iPhone，且幫手看管充好電，靜候機主來取機，就像這位 Threads 樓主一樣。只是機主原本答應了這位好心人做一件事，但最終走數兼 block 了對方，直令好心人大惑不解。難怪好心人在此 post 的後段不忘提到：「阿囡禮貌上可以加強下」。
即刻按此，用 App 睇更多產品開箱影片
好心人拾獲 iPhone 兼幫手看管充好電
早前有網友在 Threads 出 post 分享拾獲 iPhone 的經歷，樓主提到自己日前（12 月 31 日）晚上執到機主的手袋及 iPhone，幫其看管一晚及為電話充電，然後於翌晨（1 月 1 日）收到機主 message「Lost iPhone 畀返啲嘢我我畀 HK$3,000 你 please」，於是着機主前來到自己家樓下取機。不過機主最後沒有付錢之外，交收後亦隨即 block 了樓主，令其大惑不解。雖然樓主強調「錢唔係重點，我冇諗過要」及「守護好香港人精神，跌嘢都係安全無需擔心的」、「都開心 2026 第一日就可以做好事」，但在此 post 後段不忘提到：「阿囡禮貌上可以加強下」。
網民讚樓主真‧好心
不少網友看到這個 post 後，很多都覺得樓主是真正的好心人，稱讚「你嘅善意同耐性真係好難得，默默幫人守袋、叉電、等足成晚，完全體現咗香港人互相守護嘅精神」、「多謝妳的善心，好鍾意妳的心態：守護好香港人精神」、「你的善舉絕對唔係 3,000 可以衡量到，好人有好報」、「1 月 1 你開個靚頭」，拿盡光環之外，亦收到很多祝福留言，如「你咁好，2026 一定會行運架～ 」及「2026年同以後每年都祝你日日行好運身體健康開開心心」。
鬧爆機主無品
正所謂：有對比有傷害，機主承諾了的「畀返啲嘢我我畀 HK$3,000 你 please」因為沒有做到，兼且取機後立即 block 了樓主的舉動，隨即被不少網友鬧爆其相當無品，「比返啲野我…講到喺你搶佢咁，仲要自己開價」、「呀機主你應該慶幸係樓主咁既好心人執到你個袋，如果衰啲既人你部機就直接羅湖城見嫁啦仲要去 block X 人」、「失主應該冇乜家教先會咁講嘢」、「個𡃁妹心地咁差衰成年」，甚至有網友直言：「之前有好心人執到我部電話比返我，我鞠躬多謝的」、「如果佢一嚟唔該前唔該後又鞠躬， 真係一蚊都唔會收佢」。
【熱門報道】
【精選消息】
Source: Threads