記者近年有看過一些 FB 失物 post，是不會直接叫失主 DM 出 post 的人來取回，而是需要其回答一些簡單問題，例如在那裡遺失，大概遺失時間等，確認是失主方可認領。不過相信，現時在網上見到的失物 post 絕不及這個在 Threads 看到的「的士司機拾得 iPad」post 如此大癲，甚至可能是 so far 最 secure 的失物認領 post。
即刻按此，用 App 睇更多產品開箱影片
的士司機拾得 iPad 出另類 MC 題尋失主
今日（9 日）有的士司機在 Threads 出 post 尋找 iPad 失主，內容提到「8/2/2026 的士司機由銅鑼灣去赤柱執到 iPad 1 部，失主請 DM 並提供正確答案同留下電話聯絡」。沒錯當中是近年網上失物認領 post 常見的內容，但精彩的地方是失主需要回答包括「乘客組合」、「教琴朋友叫咩名」等 9 題內容頗為 specific 的 MC 選擇題，且需要全對才會歸還，以防有人冒充，隨時是現時為止看過最 secure 的失物認領帖文。
網民：「有冇得用 50:50 同問現場觀眾」
看到如此認真的失物認領帖文，不少網民都感到估你唔到，更笑問「有冇得用 50:50 同問現場觀眾」 、「有冇得用錦囊」、「現代版灰姑娘」？另外有網民用以前考試的必勝心法來試答：「以我多年考試經驗 BBBBBBBBB 應該 pass 到」、「撞吓 AAAAAAAAA」、「2 揀 1 揀 B，3 選 1 揀 A，問題長過 4 個選擇係 D，問題同 4 個選擇差唔多長係 C」、「唔識答嘅時候撞晒同一個答案，我估全部都係 C 」，然而被樓主一句「第 3 題無 C」秒速 KO，還有不忘呼籲「多謝參與並請幫手廣傳謝謝」，希望盡快找到失主。
最終能否找到失主？
在留言之中除有人嘗試答題派膠外，也有人表示樓主記憶力很強，「司機大佬都好專心聽人講嘢喔」、「一日唔止車一個客點解會記得，犀利犀利」、「分分鐘司機仲記得清楚過乘客」，更有人大讚有關題目「好癲，呢個 MC 真係失主先會知道答案」’、「作到其他 option 出嚟都好勁」「銀行 security question 都係 3 個，呢度有 9 題，3 倍驗證，3 倍安心」。至於樓主最終能否找到失主呢？截至撰文之時就仍未找到。
【熱門報道】
【精選消息】
Source: Threads