世界盃2026開鑼在即，唔少球迷都係咁：一邊返工開會，一邊想知波分。原來 Apple 用家早就有個免費神器——Apple Sports，唔使課金、零廣告，仲支援香港在內全球 170 多個國家與地區。今次大更新專門針對世界盃推出跨平台聯動功能，iPhone + Apple Watch 即時報分，徹底唔使再開一堆 App 睇波。
↓點擊圖片放大↓
今次更新最核心係「即時動態」全面整合世界盃賽事。比賽期間，最新比數、入球時間、賽事進度會自動推送至 iPhone 鎖定畫面同 Apple Watch，唔使解鎖、唔使開 App，抬頭一望就知波分。對於香港球迷嚟講，唔少賽事係凌晨開波，呢個功能可以設定靜音通知，照睇波唔擾人。
↓點擊圖片放大↓
除咗即時報分，今次更新仲新增可滑動瀏覽的賽事晉級圖，由小組賽到決賽的對陣及結果一目了然。升級後的 Game Card 能以視覺形象呈現兩隊正選陣容同陣型，開波前做戰術分析都得。用家更可將小工具加入 Mac 或 iPad 主畫面，一鍵跳轉《Apple TV》app 直接睇直播，真正做到跨裝置無縫睇波。
重點速睇：
- 跨平台即時動態：世界盃比分極速同步至 iPhone 鎖定畫面與 Apple Watch，唔使開 App。
- 全新賽事晉級圖：可滑動瀏覽，由小組賽追蹤至決賽，一圖掌握晉級全程。
- 視覺化戰術分析：升級版 Game Card 展示兩隊正選陣容與陣型，方便賽前部署。
- 個人化自訂：主畫面得分板可自訂排序，將心水國家隊置頂。
- 一鍵睇直播：小工具支援跳轉《Apple TV》app，連接串流服務即睇賽事。
- 香港免費下載：Apple Sports 現已在香港等全球逾 170 個國家與地區提供免費下載。
Source：Apple