外國婚姻生活乏味，點樣算？網民 LAsunshine 日前在香港討論區發帖，題為「淡而無味的外國婚姻」 。樓主表示已嫁到美國 20 年，並有一個四歲小孩。然而，樓主坦言外國婚姻生活乏味，已不再愛老公，想回流香港重新開始，遂發帖向巴絲打求助。
冇性生活冇拖手
樓主在帖子剖白：「我四十，嫁到美國已經 20 年，老公不是香港人，有四歳小孩。和老公性格始終不夾，我也奇怪自己忍了這麼多年，有孩子後更加冇性生活，平時行街冇拖手，也會時不時為財務問題吵，除了這些，他待我不薄。」
老公沒有上進心
她續稱：「他人老實但沒有上進心，我內心心知道下半生不想這樣過，說白些，已經不愛他。應否回流香港，一切重新開始？但四十歳似乎又老咗 D，孩子又係一個問題，唔知各位點。」
【精選消息】
不是老外是強人
嫁到外國，直覺就是嫁老外。因此，有網民回應：「鬼佬脾氣大，又唔識儲錢，對明天亳無打算，自視過高，樣樣野想要公平對待，其實大多數鬼都好窮」。然而，樓主澄清：「不是鬼佬，是強國人」。
嘩！！！
難怪有網民不滿：「好心咪老吹啦！」樓主表示自己在 20 歲時，到美國加州留學，並在 College 結識了現任強國人老公，婚後在美國加州定居。她直指：「如果當初知道現在咁寂寞，情願讀完書便番香港。因為我好種意香港，父母也在香港，所以進退兩難」。
【精選消息】
香港生活壓力大
網民「哈囉肥肥弟弟」以過來人身分，分享他在加州讀書的經歷；從中比較香港與美國加州的生活指數。他說：「我以前都係加州讀書，有 d 朋友都係嗰邊，老實講嗰邊生活十年如一日，無咩壓力，無咩挑戰，生活其實幾好的 不過會好悶。好多係 LA 生活既人好似退化左咁，電話仲係用 n 年前既款，本身無壓力變成都無咩追求，係會悶 d。
悶是福氣
不過其實可以悶到係福氣，諗清楚回流後果，香港居住壓力大，工作壓力大，居住空間細，確實，如果搵到錢香港幾好，想買咩都買到，想食咩都食到，但係如果爬唔上去既，香港同 LA 比差太遠……
其實搞清楚係咪生活太悶所以對咩都好似好悶咁，那邊都可以有多 d 活動的，自己研究下，住慣嗰邊要番香港適應唔容易，而且係 20 年。
利申，我自己係香港無咩生活壓力，不過對比番香港同美國加州差不多年紀的朋友，大概觀察到而比你意見的」。
網民甲：「同意，可能生活悶，覺得咩都無意義，但比起生活壓力，悶是福氣。」樓主：「某方面同意你，但冇性生活，成日吵架的婚姻不覺得係福氣.」網民甲：「咁都係，睇下你個人性格囉，如果你喜歡挑戰自我，唔怕轉變，你可有很多選擇。」
【精選消息】
網民有 says
截稿前，帖子已贏得 30,154 個點擊率，不少網民踴躍回應，主流意見卻是反對樓主回流香港。網民留言，節錄如下：
支持回流香港
- 重新嚟過
- 有錢向香港係好正
- 最緊要你個樣年輕，餘生做自己鐘意既野最緊要
中間派
- 你要問自己想點先, 捨得放棄什麼
- 師姐，請問你自己本身有冇經濟能力呀？如果有可考慮，如果冇勸你三思，依家香港生活都好大壓力！
- 雖然我未到 40，但我情況同你一樣。放生大家，我諗你老公都同你有類似感覺。但係對孩子嘅責任始終應該放喺第一位。分開前一定要處理好所有野，例如分開後嘅生活，經濟能力等等。如果冇辦法處理好，就應該維持現狀，等小朋友 18 歲再諗。
反對回流香港
- 四十歳，又孩子, 點重新嚟過???
- 生活應該平淡得黎好舒服 返香港機會多，但壓力大，有得選應該保持現狀，返到黎無經驗，難搵工，唔夠人搶
- 離婚也可留在外國生活呀。。小朋友留係外國讀書始終好啲
- 其實連小朋友都有，係咪要有返 D 責任感會好點 ? 你應該開始嘗試同丈夫一齊玩多點，但如果因為悶而令小朋友成長有影響就罪過了
- 你今日食左屎未
- 香港生活壓力大呀，工作競爭又大，响外國生活咁耐怕你唔慣
- 外國大把嘢可以做，大把嘢學，細路上學後又可以揾份 PT 做下，又或者揸住部車 漫無目的兜風，如果你性需求大，外國呢家野大把 choice 啦，人生短短幾廿年好快過
Source：香港討論區